Премин Портал

Кожувчанка


 

СВ. АТАНАСИЈ ВЕЛИКИ И СВ. КИРИЛ АЛЕКСАНДРИСКИ (31.01.2013) 


„Богоглаголив и преподобен Атанасие, ти претрпе гонења и ги поднесе маките, сè додека не ја протера безбожната лага Ариева, а твоето стадо го спаси од безбожие, догматски православно изложувајќи го учењето за едносушноста на Синот со Отецот и со Духот, себлажен свештеноначалнику“ (стихира на Господи повикав... на Вечерна на св. Атанасиј и св. Кирил Александриски).

На 31.01.2013 година, го прославивме свештениот спомен на двајца великани на Александриската и на целата Црква, светите Атанасиј и Кирил. Во нивна чест, во манастирот „Св. Атанасиј Велики“, метох на манастирот „Св. Наум Охридски“ во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандрит Нектариј, игумен на манастирот, протоереј Игор Никовски, свештеник Горан Ставрески и ѓакон Николче Ѓурѓиноски. По завршувањето на Литургијата беше прекршен празничниот колач, а Митрополитот Тимотеј се обрати кон верните чеда со пригодна беседа, која во целост ви ја пренесуваме.

Митрополит Тимотеј

Во името на Отецот и Синот и Св. Дух!
Драги браќа и сестри!

Во денешното свето Евангелие ги слушнавме зборовите: „Вие сте светлина на светот. Не може да се сокрие град, што се наоѓа на врв планина. Ниту, пак, светилото се пали и клава под поклоп, туку на свеќник и им свети на сите в куќи.“ (Мат. 5,14-15). Преку овие зборови нашата света Црква нè потсетува дека нашата вера, нашето свето православно учење и исповедање на Господа Исуса Христа е светлината на светот.

На друго место, Самиот Господ Исус Христос ќе каже: „Јас сум Светлина на светот“ (Јован 8,12). Оваа Светлина го осветлува патот на безброј генерации, народи и племиња. Таа им го покажува патот на светлината, на правдата, на љубовта, на чесноста и на сè што нè прави да бидеме достоинствени и вистински следбеници на „Светлината на светот“. И поимот светлина, сам по себе означува јасност, прецизност, непоколебливост за тоа каде сака човек да оди и да прави, да го остварува својот пат, својата визија и својата определба. За разлика од светлината, мракот е матен, темен, нејасен и предзвикува нешто скришно, нешто таинствено, а во исто време, и пакосно, злобно и грешно. Во другиот, пак, стих, ни се појаснува дека светилникот не се става под поклоп, туку на свеќник, за да може на сите да им свети, та да можат да одат по оној пат, којшто го бара и препорачува нашата света Црква.

Долговековната историја нè учи и ни покажува примери за многу силни империи, царства и владеења кои постоеле во извесен временски период. Некои траеле подолго, некои пократко, но на крај сите се растурени, разнебитени и само малку нешто останало во прашливите архиви, за кои одредени научници се интересираат и ги превртуваат. Само да го земеме примерот на великата Римска империја, која била проширена од едниот до другиот крај на светот. Тука е и Византија, а да не зборуваме  за многу постарата Персија. Од сите овие силни империи, на моменти сметани за непобедливи и неуништливи, со огромни војски, со огромен човечки потенцијал, со богатства и раскоши, нема останато никакво обележје. Или, пак, доколку има, тоа се брои на прсти. Додека, пак, нашата христијанска вера, која е светлина на светот, која ја проповедаше нашиот Спасител, Господ Исус Христос, со дванаесетте прости рибари, со сиромашни луѓе, кои немаа ниту високо универзитетско образование, ниту, пак, лични богатства, и денеска опстојува.

Христијаните Го проповедаа Христа како Светилник и Спасител на светот и покрај тоа што во првите три века беа особено гонети, убивани, распнувани, фрлани пред диви ѕверови и обвинувани за секакви нешта, и тоа само затоа што не принесуваат жртви на многубожечките идоли. Така, и познатиот црковен писател од крајот на вториот и почетокот на третиот век Тертулијан, многу сликовито вели: „Ако Тибар се излие - виновни се христијаните, фрлете ги пред гладните лавови во римските арени. Ако има голема суша - повторно се виновни христијаните“. Но, и покрај сите овие маки, страдања и прогонства, христијанството се проширило на сите четири страни на светот  и не само што се проширило, туку и опстојува дваесет века. Како што знаеме, ниту Христос и Неговите свети апостоли, ниту нивните наследници или, пак, светата Црква, никогаш немале своја војска или свои борбени потфати за ширење и за одбрана на своето верување. Сепак, тоа успева да опстои и да Го сведочи Христа како Светлина на светот.

Христијанството има свои сочувани споменици од првите векови, па до денес. Природно е да се постави прашањето: од каде христијанството ја црпи таа сила, па може да ги надвладее сите овие премрежија и борби, духовни и физички, и да опстои и да Го проповеда Христа? Таа сила, таа инспирација и моќ, светата Црква ја црпи и ја добива преку Божјата благодат, преку Светиот Дух, Кој постојано престојува во неа, ја крепи, ја зацврстува и ја инспирира да може сите маки, сите непријатности и прогонства да ги издржи и да не се откаже од Светилникот на светот, односно од Спасителот Христос.

Денеска светата Црква прославува двајца големи црковни учители: светиот Атанасиј Велики, архиепископ Александриски, кој живеел во четвртиот век и светиот Кирил Александриски од петтиот век. Светиот Атанасиј, на кого е и посветен овој храм, со својот живот, со своето делување и со својата извонредна интелектуална дарба, но уште повеќе со својата силна и непоколеблива вера, ќе биде светлина која ќе свети и ќе ги осветлува тогашните простори на Византиското Царство. Со својата ученост и со својата храброст тој ќе се покаже како првенец во исповедањето на православието. Тој, како ѓакон, ќе го придружува престарениот Александар Александриски на Првиот вселенски собор во Никеја во 325 година. За време на Соборот, на кој ќе се расправа против еретикот Ариј, свети Атанасиј ќе се покаже како најголем ревнител во формирањето на правата и вистинска вера. Тој е и авторот на првиот дел, односно на првите осум члена од Символот на верата. Подоцна, свети Атанасиј ќе го наследи Александар на катедрата во Александрија и ќе ја продолжи и понатака борбата против аријанската ерес. Свети Атанасиј, како архиепископ Александриски, ќе помине цели 15 години во заточеништво, а и останатото време од неговото 47 годишно архипастирство ќе биде исполнето со непријатности и маки. Но, независно од сето тоа, тој е свет токму онака како што вели светото Евангелие. Тој ќе стане свеќник што го просветлува, осветлува и утврдува христијанскиот свет и го покажува патот по кој христијаните треба да одат, не плашејќи се од силните и моќни овоземни фактори, кои се преодни и ништожни во споредба со вечноста и светоста.

Уште еден стих од денешното евангелие вели: „Така нека свети пред луѓето и вашата светлина, за да ги видат вашите добри дела и да Го прослават вашиот Отец, Кој е на небесата“ (Мат. 5, 16). Овие зборови ние честопати ги слушаме, и тоа на самиот почеток на сите архиерејски Литургии. Со овие зборови светата Црква нè повикува нас христијаните да бидеме светлина на нашите роднини, на нашите соседи, на нашите пријатели, на нашите познаници. Таа нè повикува да бидеме пример на благочестие со нашиот живот и со нашите постапки, како што бил и светиот Атанасиј Велики со неговиот свет, подвижнички и исповеднички живот. Преку такво живеење и преку такво сведочење, ние ја потврдуваме нашата целосна припадност на Господа Бога и Го исповедаме и проповедаме името на нашиот Отец Небесен.

Да се обратиме со искрена молитва кон свети Атанасиј Велики, тој да ни помага со неговите молитви пред Господа Бога, за да се зацврсти нашата вера, љубов и надеж во исповедањето и сведочењето на нашиот Спасител, Кој е Светлина на светот, сега и во вечни векови. Амин!

 

свети Атанасиј Велики и св. Кирил Александриски
31.01.2013 година
ман. „Св. Атанасиј Велики“ Охрид 

 Извор: Дебарско- кичевска епархија

 

 


Makpetrol

dobrotoljubie

Поуки од Светите Отци

dobrotoljubie

Беседи

Дедо Наум: ПЛАЧОТ - ПОДВИГ КОЈ НИКОГАШ НЕ СЕ НАПУШТА

Дедо Наум: ПЛАЧОТ - ПОДВИГ КОЈ НИКОГАШ НЕ СЕ НАПУШТА

Воскресението на мртовецот од Наин е симболика на првото просветлување на умот.„И почна да зборува“- тоа го симболизира почетокот на молитвата.

Отец Михаил Трајковски: Света  Петка- да и се обратиме со искрена молитва и вера

Отец Михаил Трајковски: Света Петка- да и се обратиме со искрена молитва и вера

Светиот Дух ја изобличува нашата совест, а таму каде што нема Свет Дух, таму и не работи совеста, или, доколку некако работи, работи со аномалија. 

Жарко Ѓорѓиевски: Недела XXI по Педесетница (25.10.2026)

Жарко Ѓорѓиевски: Недела XXI по Педесетница (25.10.2026)

Милоста е заем небесен, во кој Самиот Бог е гарант на заемот - а умилостениот е должник кој не треба да го врати заемот веднаш, но е должен да го...

Архива: Митрополит Струмички г.Наум : Личниот опит - патот кон спознанието

Архива: Митрополит Струмички г.Наум : Личниот опит - патот кон спознанието

И секогаш да бидеме во редовен контакт со нашиот духовен отец и да го прашуваме за она што не ни е јасно од прочитаното, слушнатото или помисленото.

 Митрополит Струмички Наум: Уште еднаш за промашените лозари

Митрополит Струмички Наум: Уште еднаш за промашените лозари

Што и да се случи, сѐ што е само човечко има и свој крај, а единствен вистински Господар на лозјето е секогаш Бог. Бог нема да го остави тоа да...

Митрополит Струмички г. Наум: Како човекот станува демоноподобен

Митрополит Струмички г. Наум: Како човекот станува демоноподобен

Кога бараме само човечка правда и вината ја лоцираме во другите – надвор од себе, тогаш ни се случува енергетско растројство: поголемиот дел од нашата енергија – сакале или не,...

Митрополит Струмички Наум: Молитвата - најдобра учителка

Митрополит Струмички Наум: Молитвата - најдобра учителка

Секако, молитвата не ја кажуваме механички, туку со свест и чувство Кому се обраќаме. Кога си сам и мируваш – пробај да ја насочиш енергијата на својот ум кон срцето,...

Моштите на Свети Климент растурени во три држави

Моштите на Свети Климент растурени во три држави

Најголемиот дел од моштите на СветиКлиментОхридски се чуваат во манастирот„Свети Пантелејмон" 

Дедо Наум: Да бевме вистински верници

Дедо Наум: Да бевме вистински верници

Да бевме вистински верници, ќе се организиравме, без оглед на разликите во верата, и немаше да дозволиме луѓето пред наши очи толку да страдаат.

« »

Најнови вести

☦ Православен календар

Пост

Кожувчанка

Молитви кон Пресвета Богородица за секој ден во седмицата

 Радувај се, Ти Која од ангелот ја прими радоста на добрата вест дека Бог Слово ќе прими тело од Тебе! Радувај се оти го носеше Создателот во Твојата утроба! Радувај се Ти Која го роди Бога во тело, Спасителот на светот! Повеќе...

Тропар

Тропар на светиот Христов Победоносец Георгиј  16 ноември /3 ноември /2026

Тропар на светиот Христов Победоносец Георгиј 16 ноември /3 ноември /2026

На овој ден се празнува преносот на моштите на Св. Георгиј од Никомидија во градот Лида Палестинска, каде што пострада...

Тропар на светиот Христов великомаченик Димитриј 8 ноември/ 26 октомври 2026

Тропар на светиот Христов великомаченик Димитриј 8 ноември/ 26 октомври 2026

Во затворот му се јави ангел Божји и му рече: „Мир на тебе, страдалецу Христов. Биди храбар!“ По неколку дена...

Тропар на светиот апостол Јаков брат Господов  5 ноември/23 октомври  2026

Тропар на светиот апостол Јаков брат Господов 5 ноември/23 октомври 2026

Се нарекува брат Господов затоа што му беше син на праведниот Јосиф, свршеникот на Пресвета Богородица. Кога праведниот Јосиф беше...

Духовната убавина на Богородица се пројавува и во моментот на Распнувањето на Нејзиниот Син

Тебе, Богородице поборнице – војвотко, ние слугите Твои, откако се избавивме од зло, Ти пееме победни и благодарствени песни. Ти имаш сила непобедна, од секакви опасности ослободи не за да Ти пееме : Радуј се, Невесто Неневесна! Повеќе...

Болестите според светоотечкото учење

Значи, не се надевај на лекарска вештина без благодат и не ја отфрлај своеволно, туку моли Го Бога да ја спознаеш причината за казната, а потоа моли за избавување од немоќта, трпејќи сечење, горење, горчливи лекови и сите лекарски казни Повеќе...

Свети Лука Симтерополски: Архиепископ и хирург

Едноставно е да се претпостави дека професорот – епископ, соединувајќи го во своите раце крстот и скалпелот, ги порази современиците токму со тоа необично соединување на двете разновидни сфери на активност.  Повеќе...

Духовни поуки: „Помоли се за мене“

Со Бога зборувај многу, а со луѓето малку; ако во Божјиот закон се подучуваш - ќе успееш и во едното и во другото. Повеќе...

Живот без стрес

Ако разбереме што се крие зад стресот, ако ја видиме лагата, која што се крие зад него, на крајот ќе увидиме дека не постои причина за да бидеме во стрес.. Повеќе...

Митрополит Струмички Наум - Да пораснеме барем до Стариот Завет

И не само што немаат туку се и очигледна пречка за влез во Царството Небесно, и пречка да се сфати и пренесе неговата идеја и порака. Повеќе...

Епископ Тихон Шевкунов: „НЕСВЕТИ, А СВЕТИ“

Несвети, а свети. Луѓе, кои навидум живееле во нашето секојдневие, се соочувале со проблемите со кои ние се судираме, боледувале од болести од кои ние боледуваме, често осудувани од околината, а сепак, не биле секојдневни. Луѓе, кои не се на иконите, но го предавале животот од иконите во сите нивни дела, зборови, мисли. Луѓе, за кои тишината прозборила дека се свети.  Повеќе...

ГОЛЕМАТА ТАЈНА НА ДИВЕЕВО - Кој ќе доживее, ќе види

Како дополнување на оваа тајна, еве што слушнав од устата на 84-годишната игуманија на манастирот Дивеево, Марија. Бев кај неа во почетокот на 1903 година веднаш по канонизирањето на преподобниот Серафим и заминувањето на царското семејство од Дивеево. Повеќе...

Арх. Калиник Мавролеон: Монологот БОЖЈИ

 

Те гледав кога се разбуди угрово. Чекав да ми кажеш два-три збора, да се заблагодариш за се што ти се случува, да побараш мое мислење за се што треба да правиш денес. Повеќе...

За Моето име

Поуки на грузискиот Старец Гаврил Ургебадзе за последните времиња

 

„Ѓаволот има 666 мрежи. Во времето на антихристот луѓето ќе очекуваат спасение од космосот. Тоа ќе биде и најголемата замка на ѓаволот: човештвот ќе бара помош од вонземјаните, не знаејќи дека тоа се, всушност. – демони.“ Повеќе...

Взбранной Воеводе победительная