Скопје, 8ми јануари 2025 г.- храм на св.Јован Крстител,н.Капиштец
На втор ден Божик, на празникот на СОБОР НА ПРЕСВЕТА БОГОРОДИЦА, ереите Марко Манојловиќ и Илија Мицевски-Игнат во сослужение на ѓаконот Давид Ивановски отслужиа Божествена Литургија во храмот св.Јован Крстител .Верниот народ се причести со Светите Христови Тајни. На певницата молитви кон Бог принесоа Крсте Лазаровски, проф.Ѓоко Ѓорѓевски и чтецот Никола Ристевски.
Христос се Роди! Навистина се роди!
СОБОР НА ПРЕСВЕТА БОГОРОДИЦА
На вториот ден од Божиќ, Православната Христијанска Црква ѝ оддава слава, чест, благодарност и почит на Пресветата Божја Мајка, Којашто Го роди Спасителот на светот, Господ наш Исус Христос. Ова празнување се нарекува Нејзин собор затоа што на тој ден се собираат сите верни за да Ја прослават Нејзе, Која е Пресвета Богородица, Царица Небесна и секогаш Дева Марија.
Тогаш се служи торжествено, соборно, во Нејзина чест. Во Охрид од древноста беше устроено спроти вториот ден на Божиќ вечерната да се служи само во црквата на Пресвета Богородица, наречена Челница. Целото свештенство со народот овде соборно Ја прославуваше Пречистата Божја Мајка.
Пресвета Мајко Божја, Владичице наша, Царице Небесна, сега и секогаш дева Марие, спаси нас.
Житие: Собор на Пресвета Богородица
На вториот ден од Божик христијанската Црква ? оддава слава на Пресветата Божја Мајка, Којашто Го роди Господ и Сапсителот наш Исус Христос. Ова празнување се нарекува Нејзин собор затоа што на тој ден се собираат сите верни за да Ја прослават Нејзе, Која е Богородица. Тогаш се служи торжествено, соборно, во Нејзина чест. Во Охрид од древноста беше устроено спроти вториот ден на Божик вечерната да се служи само во црквата на Пресвета Богородица, наречена Челница. Целото свештенство со народот овде соборно Ја прославуваше Пречистата Божја Мајка.
Тропар
Дојдете, сите верни, ум да воздигнеме кон Небесата, со ангелите да Ја восфалиме Онаа Која е поширока од Небесата, умилно песни да слушаме за славата Нејзина, срцата да ги отвориме и во нив да Го примиме Младенецот, Кој од Неа во светот се покажа. Радувај се, Мајко на Несместливата Светлина, радувај се, Девственичке Која во нашата природа девственоста ја обновуваш.
Кондак
Оној што пред ѕвездата Деница се роди од Отецот без мајка, денес на земјата се воплоти од Тебе без татко. Затоа ѕвездата им благовести на Мудреците, а ангелите со пастирите го воспеваат Твоето неискажливо раѓање, Благодатна.
Preminportal.com.mk
8ми јануари лето Господово 2025
