Во Пантелејмоновиот манастир на Атон пронајден негативот од чудотворната икона

на Пресвета Богородица „Светописанаја“

27 јануари 2015 лето Господово

Оригиналниот негатив од чудотворната икона на Пресвета Богородица „Светописанаја“ – фотографија,IkonostasHramaSvetopisannogoObraza.jpg снимена во 1903 год., за појавата на Пресвета Богородица во време на делењето нафора во Рускиот манастир „Св. Пантелејмон“ на Света Гора, повторно е вратен во руската светогорска обител.

Негативот бил најден за време на работата со стари фотографии во архивата на манастирот. Ова откритие, кое беше направено после повеќе од 110 год., без сомнение може да се смета за чудо, со оглед на сите настани  кои се случиле во руската светогорска обител во периодот од еден век. Многу негативи биле изгубени во пожарот во 1968 год., а еден дел од нив се наоѓале во приватни колекции. Да се најде оваа ценета реликвија, после толку години, беше просто невозможно.

Според зборовите на игуменот на Рускиот манастир „Св. Пантелејмон“, схиархимандритот Еремиј (Алехин), „пронаоѓањето на негативот – првообразот на светата икона на Божјата Мајка – е милост од Пресвета Богородица и сведочи за тоа дека Атонската Игуменија е благонаклона кон Обителта и го прима засилениот подвиг на нејзините жители“.

За чудото им беше соопштено на сите браќа, за утеха и поткрепа во подвигот. По повод ова чудесно собитие во рускиот светогорски манастир беа вознесени благодарствени молитви кон Пресвета Богородица, а на сите жители и поклоници во манастирот им беа разделени фотографии, направени од пронајдениот негатив од 1903.

Како што е познато, на 21 август / 3 септември 1903 во Рускиот Светипантелејмонов манастир на Атон, се случи чудесно јавување на Пресвета Богородица; за време на раздавањето на милостина кај светите двери на Пантелејмоновата обител била направена фотографија, на која подоцна се испостави дека е овековечен ликот на Божјата Мајка, како прима милостина од рацете на старец-монах меѓу сиромашните браќа.

Ова чудесно јавување на Пресветата Богородица за време на раздавањето милостина, се покажува како дејство на промислата на Божјата Мајка за исполнување на Нејзиното ветување, и е во нераскинлива врска со слични на ова собитија кои се случиле во различни периоди од историјата на Атон.

Светописаната икона на Пресвета Богородица повеќе од 100 год. е длабоко врежана во руската светогорска обител, на Атон и по целата Света Русија. Оваа икона е внесена во официјалниот список на чудотворни икони на Атон, а денот на нејзиното празнување е на една од Светогорските Слави. Во 2013 год., на заседанието на Свештениот Синод на РПЦ во Киево-Печерската Лавра, празникот на Светописаната икона на Божјата Мајка 21 август / 03 септември, е исто така внесен во месецословот на Руската Православна Црква.

Во манастирот „Св. Пантелејмон“ на Атон постои храм посветен на Светописаниот образ на Божјата Мајка.
Извор: Атонит

Преземено од. Бигорски манастир