Современа депресија
Зголемувањето на бројот на психички заболувања, пред сè, може да се објасни со фактот дека многу луѓе ја изгубиле вистинската смисла на животот. Духовноста. Главната причина за неврозата не е стресот и непријатноста, туку човековата личност. Филозофијата на хедонизмот „јади, пиј, весели се“ го извлекува задоволството од таквиот живот. Порано или подоцна, човек станува свесен за лажливоста на овој пат.
Природата на невротичните нарушувања значително се промени во последните 10-15 години, стана посложена, похаотична. Недоразбирањата помеѓу најблиските постојано растат. Луѓето се како „откинати од ланецот“: брзаат да живеат, се плашат дека ќе бидат осамени и брзаат сами да ја „одработат“ и „средат“ својата судбина. Затоа раните сексуални односи станаа норма, бројот на абортуси се зголемува, а невенчаните бракови веќе одамна никого нè изненадуваат.
Сите овие појави се поврзани со спецификите на современата депресија. Коренот е во тоа што споменатите модели на однесување не се карактеристични за човековата природа. Тие често ни се наметнуваат од општеството во кое живееме. Човечката природа е против овој наметнат модел, само луѓето самите не го сфаќаат тоа. Конфликтот се претвора во невроза, што предизвикува депресија. Најчесто жените доаѓаат кај мене на консултација. Тие доаѓаат во солзи: предавство, измама, клевета, лаги кои се насекаде наоколу. Типични се поплаките: „Мажот е ладен и рамнодушен, децата се пораснати, јас сум осамена“. За жените, како и секогаш, актуелни се проблемите со осаменоста, недостатокот на љубов, внимание и грижа. Таква е женската природа. Инаку, исклучително ретко се случува жените да дојдат со депресија затоа што не напредуваат во кариерата, и тоа е природно.
Статистиката тврди дека жените се разболуваат двапати почесто од мажите. Зошто? Можеби мажите имаат посебен имунитет на депресијата? Не, објаснувањето е крајно едноставно - тие многу поретко бараат лекарска помош од жените, претпочитајќи да ги потиснуваат симптомите на депресија со алкохол, да земаат лекови, да се „нурнат“ во работата.
По правило, жените на возраст од 35 до 45 години се повеќе склони кон депресија. Обично во тој период се јавува кризата на средните години. Првото полувреме од животот е веќе одиграно, децата пораснале, се појавува криза во брачните односи. Надворешниот изглед повеќе не е онаков како кај оној на 20-годишна девојка. Може да се случи и здравјето да почне да попушта, да се акумулира замор. Една жена размислува за животните вредности, се осврнува наназад и сфаќа - голем дел од нејзиниот живот е веќе зад неа. Што е следно? Да износи уште неколку фустани или уште неколку пара чевли? Да направи нова фризура? Да оди некаде надвор од државата на патување? Да, и тоа не е лошо. Но, сето тоа веќе е направено. Нешто недостига. Но што е тоа што недостига?
Често од жените кои доаѓаат кај мене, слушам дека се празни одвнатре и дека немаат сила да живеат. Знаете, менталната состојба на современиот човек може да се спореди со бокал скршен на парчиња. Луѓето одат со многу здробени парчиња во себе и се повредуваат и себеси и околината. Делумно, зголемувањето на бројот на ментални болести може да се објасни со тоа што луѓето се во „постојана трка“, организмот не може да го издржи преоптоварувањето, лавината од информации и стресот. Сепак, зголемувањето на бројот на ментални болести може првенствено да се објасни со фактот дека многу луѓе ја изгубиле вистинската смисла на животот. ДУХОВНОВНОСТА.
Проблемот во тоа е што секој човек прави своја скала на вредности. Но, тој не го гради на цврста духовна основа, туку на сопствените идеи за животот. Главната причина за неврозата не е стресот и непријатноста, туку личноста на една човек. И тоа личност која е во внатрешна дисхармонија. Духовната основа е вткаена во секое човечко суштество од самото раѓање. Добро би било да се развива и да се умножува. Но, човекот живее во таква средина каде од сите страни слуша повици: Земете се што ви нуди животот! Значи, ако не сте го откинале „најслаткото парче“ од животот - тогаш тоа е ужасно, сето тоа е лошо и вашиот живот е неуспешен. Луѓето “се ловат” на оваа мамка. Филозофијата на хедонизмот „јади, пиј, весели се“ го извлекува задоволството од таквиот живот. Порано или подоцна, човек станува свесен за лажливоста на овој пат.
Наметнатиот и лажен вредносен систем се урива како кула од карти. Човекот претрпува целосен крах. И, неминовно си го поставува прашањето: зошто,и во име на што вреди да се живее? Ако изостане одговорот, тогаш човекот паѓа во тага, жалост, депресија. Богатството, успехот и кариерата нè не спасуваат од депресија и невроза. Еден мудар човек рекол: „Не ти посакувам ниту богатство, ниту слава, ниту успех, ниту здравје, туку само душевен мир. Тоа е главната работа. Ако имаш мир - ќе бидеш среќен“.
Покаченото ниво на неостварените желби на човекот секогаш остава чувство на незадоволство, тага, горчина, огорченост во душата. А, тагата доаѓа кога некоја страст не е задоволена. На пример. човекот не ја добил посакуваната сума на пари. А, неврозата почнува да делува затоа што таа се појавува кога постои СУДИР ПОМЕЃУ ПОСАКУВАНОТО И РЕАЛНОТО. И ако приоритетите се поинаку поставени: на прво место - духовни вредности, а дури потоа - кариера, успех, скапи работи, тогаш материјалните неуспеси нема да ја разнишаат внатрешната духовна поддршка на човекот.
Освен тоа, ако жената професионално се остварила, постигнувајќи вртоглав успех, тоа воопшто не значи дека во нејзината душа владее мир. Таа го постигнала се она за што сонувала. Нејзиниот пат не бил лесен: за да се гази над другите, треба добро да се обработи сопствената совест за да не се вознемирува од „ситници“. Како по правило, егоистичните жени од кариера се длабоко несреќни личности. Нивната околина го гледа само надворешниот сјај, но во душата им е истиот куп на скршеници. Покрај тоа, жените кои го посветиле животот на своите кариери - или воопшто немаат семејство или се на работ на колапс: сопругот почнал да гледа од страна, децата станале неконтролирани. И, овие факти предизвикуваат невроза.
Статистиката тврди дека приближно секој петти невротичен случај е поврзан со фактот дека човекот ја изгубил смислата или нема смисла во животот или е поврзан со конфликт на вредности. Всушност, речиси секоја невроза има духовен корен. Лекарот треба да одреди што во човековата несреќа има непосредна духовна причина, што значи дека подлежи на духовно лекување, а што во неговите чувства е предизвикано од нарушувања во активноста на функциите на мозокот, а понекогаш и на целиот организам. Ако се откријат двете причини, на човекот му се потребни духовни и психијатриски методи на лекување во исто време. Во такви случаи, духовното исцелување може да доведе до психијатриско и физичко исцелување.
Ние, пред сè,ги бараме духовните извори, духовната причина за депресијата. Се обидуваме да разјасниме зошто скалата на животните вредности е неправилно формирана кај луѓето. Пристапот е целосно индивидуален. На пример, еден пациент кој боледува од хронична невроза признал: „Зависта ме јаде. Штом видам дека комшијата или познаникот има нешто подобро, не можам да се смирам,тоа е како да горам одвнатре“. Како да му препишам една таблета три пати на ден за ваква болест? Практиката покажува дека пациентите добиваат олеснување само кога ќе почнат да зборуваат за душата, за покајанието. Во согласност со пациентот и според неговите желби, се обидуваме да ги оцениме симптомите на болеста од духовна перспектива. Како резултат на тоа, погледот на една личност за светот се менува. Тој учи правилно да ги прима ударите на судбината, адекватно да одговори на нив. Голема и тешка работа е да дизајнирате сопствен духовен свет, вредности, погледи...
Психијатар и психолог Димитриј Авдеев / Извор: prijateljboziji.com
За Преминпортал Симеон Стефковски
