Премин Портал

Кожувчанка

 sv.Nikomid.macenici.jpg

                             Не ја давајте светињата своја


“Светињата не ја давајте на кучињата, и не си го фрлајте бисерот пред свињите, за да не го изгазат со своите нозе, и, откако се повратат, да не ве раскинат. “  (Матеј 7, 6)   

Зборот “светиња“ не е само обичен збор ценејќи по пиедесталот на кој се наоѓа и стремежот истиот да се достигне по секоја цена, па понекогаш и по онаа на сопствениот живот. Некој ќе рече, а верувам ќе биде и во право, дека оваа иста дефиниција би можела да се однесува и на дијамантите, кредитните картички, златото, банкнотите, опијатите во секоја форма или пак голото женско тело. И премногу инфилтрирани поими кои со самото наговестување ја поткопуваат невиноста на зборот и не водат во погрешен правец. Можеби, за да отпаднат сите тие, во описот требаше да нагласам дека се зборува за достигнување кое ќе изобилува со чистота, прозирност, спокој и недопирливост. Тогаш станува јасно дека тоа не е само обичен збор, туку нешто што значи и не се дава секому.
Телото како резултат на правот земен и вдахнато со дух животворен, после отпадот на прародителите само трулежно, може сепак да биде и светиња во нашиот лексикон на драгоцени зборови. На првата страница ќе стои неговата цврста одлучност да стане храм достоен за посета и пребивање на Бога и место означено со крстен знак на портите кој ќе опоменува колку влезот е дозволен. Ако, макар и збунето го фрлиме пред свињите, малку ќе остане од него необесчестено, малку ќе биде доволно за Мамона да си го присвои.
Душата наша полетна, често залетана кон висините, полна со воздух кој издигнува, е потенцијален кандидат за светиња. Таа го привлекува Утешителот, ја презентира побожноста, го гледа царството на небесата и умее да ги изброи и ангелите. Ја загнездила и совеста, ја поучува, смирува и дразни кога сме заскитале. Но, ако ја фрлиме пред свињите, малку ќе остане од неа незапустено, малку ќе биде доволно Мамона да ја облече.
Срцето наше ранливо, вечен трагач по љубовта, трезор на сите драги спомени, е нешто наредно што може да биде светиња. Ќе биде таму каде и богатството наше, ќе биде и овде ако ја запреме неговата луда аритмија. Обоено во колоритите на крвта ја симболизира подготвеноста да гине на бојното поле за своите идеали, најчесто слепи и повремено силни. Ако го фрлиме пред свињите, малку ќе остане од него неизгребано, малку ќе биде доволно Мамона да го исцеди.
Разумот наш немудар, сокровиште на тајните помисли, менаџер на дестинации кон кои ќе движиме, гордост на нашата личност дека не дистанцирал од анималот, е исто така претендент за светиња. Кога душата го препознала Бога, тој е архитектот планер за поставување на темелите на конструкцијата наречена: вечен живот. Понекогаш се губи во виорот на војната со страстите кои довикуваат, но покаеното срце го лоцира и повлекува назад на мирните пасишта со еднозначни мисли. Ако го фрлиме пред свињите, малку ќе остане од него нерасеан, малку ќе биде доволно Мамона да го залуди.
А сега остануваат овие три работи: верата, надежта и љубовта, најголема меѓу нив е љубовта. И тие се светиња. Верувам во добрината на Јагнето; се надевам на место покрај Престолот, макар и на последното столче на масата во ќошот па дури и да не се слуша милозвучниот глас на харфите; го љубам Бога понекогаш недостојно во обезсиленоста да ги мобилизирам сите атоми во заеднички порив кон уште посилна љубов. Ако ги фрлиме пред свињите, малку ќе остане од нив неосквернето, малку ќе биде доволно Мамона да ги исмее.
Пред кучињата или свињите, сеедно. Не ја давајте светињата своја. Гласовите во главата можат сенешто да дошепнуваат, но целта беше дефинирана уште кога Духот Божји лебдеше над водата. Да се вратиме во наследството кое ни беше наменето уште од почетокот. Го имаме она што изобилува со чистота, прозирност, спокој и недопирливост. Затоа и не помислувајте да ја дадете светињата своја.

 

 

Meteori.Dr.jpg

 

  • SP Apostol
  • 27-ти јули, лето Господово 2014

  Друго:

 

 

 



Makpetrol

dobrotoljubie

Поуки од Светите Отци

dobrotoljubie

Духовност

Мај 30, 2026
TVITer29

ЗАДУШНИЦА – ВРСКА НА ЉУБОВТА МЕЃУ ЗЕМЈАТА И НЕБОТО

Во пресрет на Педесетницата, кога Црквата го очекува слегувањето на Светиот Дух и откривањето на својата полнота како Тело Христово,

ПРАВОСЛАВНА АСКЕТИКА ЗА МИРЈАНИ - ГЛАВА II

Ное 30, 2025 Полезно и Потребно 2263
Patot.na.podviznikot53
Самата збор „исповед“ значи дека христијанин дошол да ја раскаже, да исповеда и самиот да…

ПАТОТ НА ПОДВИЖНИКОТ ГЛАВА ОСУМНАЕСЕТА

Ное 28, 2025 Духовен Азбучник 3681
Patot.na.podviznikot45
Молитвата не завршува со утринското правило. Таа треба да трае во текот на целиот ден,…

ПАТОТ НА ПОДВИЖНИКОТ ГЛАВА СЕДУМНАЕСЕТТА

Ное 25, 2025 Духовен Азбучник 3734
Patot.na.podviznikot44
Не плаши се од сувоста во молитвата. Животворниот дожд слегува од Небето, а не од…

Најново од духовност

☦ Православен календар

Пост

Кожувчанка

Молитви кон Пресвета Богородица за секој ден во седмицата

 Радувај се, Ти Која од ангелот ја прими радоста на добрата вест дека Бог Слово ќе прими тело од Тебе! Радувај се оти го носеше Создателот во Твојата утроба! Радувај се Ти Која го роди Бога во тело, Спасителот на светот! Повеќе...

Тропар

Тропар на светиот Христов Победоносец Георгиј  16 ноември /3 ноември /2026

Тропар на светиот Христов Победоносец Георгиј 16 ноември /3 ноември /2026

На овој ден се празнува преносот на моштите на Св. Георгиј од Никомидија во градот Лида Палестинска, каде што пострада...

Тропар на светиот Христов великомаченик Димитриј 8 ноември/ 26 октомври 2026

Тропар на светиот Христов великомаченик Димитриј 8 ноември/ 26 октомври 2026

Во затворот му се јави ангел Божји и му рече: „Мир на тебе, страдалецу Христов. Биди храбар!“ По неколку дена...

Тропар на светиот апостол Јаков брат Господов  5 ноември/23 октомври  2026

Тропар на светиот апостол Јаков брат Господов 5 ноември/23 октомври 2026

Се нарекува брат Господов затоа што му беше син на праведниот Јосиф, свршеникот на Пресвета Богородица. Кога праведниот Јосиф беше...

Духовната убавина на Богородица се пројавува и во моментот на Распнувањето на Нејзиниот Син

Тебе, Богородице поборнице – војвотко, ние слугите Твои, откако се избавивме од зло, Ти пееме победни и благодарствени песни. Ти имаш сила непобедна, од секакви опасности ослободи не за да Ти пееме : Радуј се, Невесто Неневесна! Повеќе...

Болестите според светоотечкото учење

Значи, не се надевај на лекарска вештина без благодат и не ја отфрлај своеволно, туку моли Го Бога да ја спознаеш причината за казната, а потоа моли за избавување од немоќта, трпејќи сечење, горење, горчливи лекови и сите лекарски казни Повеќе...

Свети Лука Симтерополски: Архиепископ и хирург

Едноставно е да се претпостави дека професорот – епископ, соединувајќи го во своите раце крстот и скалпелот, ги порази современиците токму со тоа необично соединување на двете разновидни сфери на активност.  Повеќе...

Духовни поуки: „Помоли се за мене“

Со Бога зборувај многу, а со луѓето малку; ако во Божјиот закон се подучуваш - ќе успееш и во едното и во другото. Повеќе...

Живот без стрес

Ако разбереме што се крие зад стресот, ако ја видиме лагата, која што се крие зад него, на крајот ќе увидиме дека не постои причина за да бидеме во стрес.. Повеќе...

Митрополит Струмички Наум - Да пораснеме барем до Стариот Завет

И не само што немаат туку се и очигледна пречка за влез во Царството Небесно, и пречка да се сфати и пренесе неговата идеја и порака. Повеќе...

Епископ Тихон Шевкунов: „НЕСВЕТИ, А СВЕТИ“

Несвети, а свети. Луѓе, кои навидум живееле во нашето секојдневие, се соочувале со проблемите со кои ние се судираме, боледувале од болести од кои ние боледуваме, често осудувани од околината, а сепак, не биле секојдневни. Луѓе, кои не се на иконите, но го предавале животот од иконите во сите нивни дела, зборови, мисли. Луѓе, за кои тишината прозборила дека се свети.  Повеќе...

ГОЛЕМАТА ТАЈНА НА ДИВЕЕВО - Кој ќе доживее, ќе види

Како дополнување на оваа тајна, еве што слушнав од устата на 84-годишната игуманија на манастирот Дивеево, Марија. Бев кај неа во почетокот на 1903 година веднаш по канонизирањето на преподобниот Серафим и заминувањето на царското семејство од Дивеево. Повеќе...

Арх. Калиник Мавролеон: Монологот БОЖЈИ

 

Те гледав кога се разбуди угрово. Чекав да ми кажеш два-три збора, да се заблагодариш за се што ти се случува, да побараш мое мислење за се што треба да правиш денес. Повеќе...

За Моето име

Поуки на грузискиот Старец Гаврил Ургебадзе за последните времиња

 

„Ѓаволот има 666 мрежи. Во времето на антихристот луѓето ќе очекуваат спасение од космосот. Тоа ќе биде и најголемата замка на ѓаволот: човештвот ќе бара помош од вонземјаните, не знаејќи дека тоа се, всушност. – демони.“ Повеќе...

Взбранной Воеводе победительная