Вести

Во недела на 04. септември 2016 година, Неговото блаженство Архиепископот охридски и македонски г.г. Стефан присуствуваше на Архиерејска литургија во Македонската Православна Богословија „Свети Климент Охридски“. На Литургијата чиноначалалствуваше деканот на Богословијата, Неговото високопреосвештенство Митрополитот повардарски г. Агатангел...

На празникот на Успението на Мајката Божја, пресветата дева Марија, Архиепископот Охридски и македонски г. г. Стефан отслужи Божествена Литургија во манастирот посветен на Богородица, во село Матка.
На Литургискиот собор  многубројниот народ Божји се причести со светите дарови.

03. септември (сабота), 19:00 Вечерна;

04. септември (недела), 07:00 Утрена, 08:30 Света литургија;10. септември (сабота), 19:00 Вечерна;
11. септември (недела, св. Јован Кристител), 07:00 Утрена, 08:30 Света литургија;17. септември (сабота), 19:00 Вечерна;

Нека се радуваат, затоа, денес сите жени и сите мајки во светот, гледајќи со какво достоинство ги украси Пресветата и Преблагословена Богородица. Да, какво само достоинство Бог им даде на жените преку Својата Пречиста Мајка! Таа е навистина образец на секоја мајка, највозвишен пример на секоја жена.

Света Богородица, со својата скромност, смиреност, послушност и понизност, ќе се удостои да биде мајка на Оној Кој што е поширок и поголем од вселената, Творецот на сè. Всушност, уште Предвечниот совет на Светата Троица, во неа ќе виде можност за реализација на спасението на човечкиот род и основање на светата Црква. Таа е избран сосуд Божји, преку кој се реализира домостројот на спасението на родот човечки.

Затоа, внимателно проценувајте ги вашите внатрешни побуди, дали се од Бог или од лажливиот дух. Чувајте се од искушенијата на овој свет или од световните луѓе и од различни случувања во животот! Чувајте се од најскриените внатрешни искушенија: од духовната безгрижност и невниманието во молитвата, од гасење на христијанската љубов.

На  28.08.2016 година, по повод манастирската слава „Успение на Пресвета Богородица “ во Лешочкиот манастир,  Неговото  високопреосвештенство, Митрополитот Tетовско-гостиварски г. Јосиф, во сослужение на свештеници од Тетовското архиерејско намесништво отслужи Света Божествена Литургија. На Литургијата верниот народ се причести со Светите Христови Тајни.

Во текот на вчерашниот ден, Македонската православна црква, преку својата хуманитарна организација "Милосрдие", а во соработка со DHL, посети домови на настраданите во поплавите во с. Стајковци и подели средства за лична хигиена, средства за дезинфекција и чистење, перници, јоргани и вреќи за спиење.

Таворската светлина од славното Преображение Христово денес со посебен сјај заблеска на врвот Голем Крчин, каде се случи еден навистина несекојдневен и преблагодатен настан. Таму, на самиот срт, на висина од 2341 метри, со благослов на нашиот возљубен Старец, Архимандрит Партениј, беше отслужена Света Златоустова Литургија, во непосредна близина на остатоците од некогашниот храм посветен на Преображението Господово.

Овој настан се случува пред последните дни од животот на Господа Христа, односно, пред Неговото омаловажување, клеветење, судење, тепање, распнување, и тоа на крст, и конечно, Неговата смрт. Пројавувањето на Неговата Божествена слава било потребно за да ги утврди апостолите во верата. Да ги охрабри и да ги вдахнови за да не потклекнат пред искушенијата.

На 19.08.2016 година, денот во кој Црквата го прославува Преображението на Господ Исус Христос, Неговото блаженство Архиепископот охридски и македонски г.г. Стефан отслужи божествена Литургија во соборната црква Свети Климент Охридски. По завршетокот на евхаристискиот собор, а во согласност со многувековното богослужбено предание на нашата Црква, Архиепископот го благослови принесениот гроздов плод.

Со многу насмевки, љубов, прегратки и по некоја солза, заврши и последниот деветти летен камп по Веронаука, и уште еднаш имавме можност да видиме на дело една прекрасна преобразба на детските души. Бидејќи детските души се како најчисти, најнежни цветови; и огреани од светлината на Христовата љубов, напоени со „водата која тече во вечен живот“, на живоносното Христово слово...

 Добредојде Православие.мк

Од портал посветен на превод на светоотечки текстови и студии на современи богослови, каква што ни беше замислата на почетокот, денес сметаме дека она што е потребно се кратки извадоци, вести и видеа, еден вид на островче (со параклис посветен на св. старец Порфириј) среде информациското цунами со кое се соочува човекот денес.

Непрестајната молитва ја чисти атмосферата на умот од мрачните облаци и од ветровите на духовите на злобата. Кога атмосферата на срцето е чиста, повеќе ништо не пречи да засветли божествената светлина Исусова... Како што долините изобилно раѓаат пченица така Исусовата молитва изобилно го оплодува срцето твое со секое добро.

Без Бога сè пропаѓа. Он е нашата најголема потреба, нашиот неопходен леб. Затоа во молитвата „Отче наш“ се молиме: „лебот наш насушен дај ни го денес“. Тоа се однесува, пред сè, на Лебот небесен, на Телото Христово, на Светата Причест, преку која Го наоѓаме и се соединуваме со Бога. Е, тогаш Он ќе се погрижи за нас и нема да нè остави.Така, мили мои, да Му го предадеме целосно своето срце Нему и секогаш ќе имаме сè што ни е потребно.

Што ми е потребно? Потребна ми е вистинска, христијанска, жива, дејствителна љубов, потребно мие срце кое љуби, жали за ближните, потребна ми е радост за нивната благосостојба, тага за нивните маки и болести, за нивните гревови, слабости, недостатоци, несреќи, сиромаштва; потребно ми е топло сочувство, искрено во сите околности на нивниот живот...

Вклучени се повеќемина свештеници од Повардарската, Преспанско-Пелагониската, Скопската и Брегалничката Епархија, како и теолози од Богословскиот факултет во Скопје.Верниот народ сведочи дека во храмовите се собира хуманитарна помош, која се транспортираа до погодените подрачја. Се донира храна, вода, облека, средства за хигиена, алат за работа и сл.

МПЦ-ОА донесе одлука да формира солидарен фонд, во кој со свои финансии ќе учествува лично клирот на Црквата, потоа храмовите и манастирите, како и епархиските центри. Овие средства ќе бидат соодветно распределени на настраданите.Беше одлучено и црковната кујна при храмот „Свети апостоли Петар и Павле" во Ѓорче Петров, покрај секојдневното подготвување на оброци за сиромашните...

На 09.08.2016 година, во организација на Тетовско-гостиварската епархија која секогаш е подготвена да помогне онаму каде има потреба, така и овој пат им излезе во пресрет на семејството Ангелески од с. Брвеница – Тетово кои се во тешка состојба. Епархијата обезбеди бела техника за нивниот дом и еднократна финансиска помош.

Празнувањето на светиот Климент Охридскиот Чудотворец, како и чествувањето на големиот Јубилеј 1110 години од неговото упокојување, започна во вечерните часови на 08.08.2016 година, со свечена Вечерна богослужба, на која чиноначалствуваше Неговото Блаженство Архиепископот Охридски и Македонски г.г. Стефан, во сослужение на Неговото Високопреосвештенство Митрополитот Дебраско-кичевски г. Тимотеј