III. "ДА БИДЕ ВОЛЈАТА ТВОЈА КАКО НА НЕБОТО, ТАКА И НА ЗЕМЈАТА"
— е третата прозба.
Се молевме за доаѓање на царството Божјо — царството на идниот вечен живот. Но, додека не дојде тој вечен живот ние треба да се потрудиме на земјава да живееме таков живот каков што им е својствен на небожителите. Пред да Ао\р,е небесното, треба и земјава да ја направиме небо. Да живееме на зем-јава, а да постапуваме, да мислиме и да зборуваме како да се наоѓаме на небо (во небесниот, вечен живот).Тоа значи дека ние, живеејќи на земјава, треба да ги постигнуваме совр-шенствата на небесните сили, на ангелите и светителите. Да бидеме земни жители со небесни постапки и мисли.
Ние, како вистински христијани, треба постојано да ја исполнуваме Божјата волја, а таа е изразена во Божјите заповеди. Значи, постапувајќи според Божјите заповеди ние ја исполнуваме Божјата волја и се спасуваме (1. Тим. 2,4). Затоа треба да постапуваме според зборовите на Свети апостол Павле, кој вели: "Не управувајте се според овој век, туку преобразете се преку вашиот обновен ум, за да можете да познавате, која е добрата, угодна и совршена волја Божја" (Рим. 12,2).
Велиме: "како на небото, така и на земјата", а тоа значи дека молиме од Бога и ние луѓето на земјава, сите да ја извршуваме волјата Божја како што на небото ја извршуваат ангелите и светителите. А, ангелите и светителите на небото со радост, доброволно и целосно својата волја ја покоруваат на Божјата волја и тоа ги прави духовно радосни, односно блажени. За светите ангели и за нивното исполнување на Божјата волја и во Светата Библија се вели: "сите ангели Негови, крепки по сила... сите Негови војски, Негови служители, ...ја исполнувате волјата Негова" (Псалм 102,20-21).
Ние не велиме "да биде волјата Твоја" во мене или во нас, туку "да биде волјата Божја на целата земја", а тоа значи да царува вистината и доброто и така, тогаш земјата нема да се разликува од небото.
Велиме: "Како на небото, така и на земјата". Што значи тоа? Онака како што на небото се се извршува во апсолутна послушност, така и нам на луѓето да ни даде Бог да ја исполнуваме Неговата волја во се, а не половично. Секогаш да постапуваме како што е богоугодно.
Со овие зборови се молиме да исчезне од земјата секое дело што е спротивно на Бога.
Со зборовите "Да биде волјата Твоја, како на небото, така и на земјата", ние се молиме на земјава, во нашиот живот, волјата наша да биде во согласност со Божјата волја, односно Бог да ни помага, да правиме добри и богоугодни дела, а тоа значи да имаме постојано богољубие и братољубие, вера и надеж, скромност и правичност, да бидеме милостиви и да проштеваме. Значи, се молиме Бог да ни помогне да бидеме добри како што се добри ангелите и светиите.
Затоа светиот апостол Павле порачува и вели: "Браќа мои, на она што е вистинско, што е чесно, што е праведно, што е чисто, што е љубезно, што е Достојно за слава, на она што е добродетел, што е за пофалба, само на тоа мислете!" (Филип. 4,8).
А Свети Јован Богослов советува: "Не сакајте го светот и се што е во него. Ако некој го сака светот, во него нема љубов од Отецот. Зашто, се што е во светот — похотта на телото, желбата на очите и гордоста на животот, не е од Отецот, туку од овој свет. А светот поминува и похотите негови, а оној што ја извршува волјата Божја, останува довека." (1. Јов. 2,15-17).
Во манастирот "Света Марија Магдалена" во Ерусалим испишани се зборовите: "Да биде волјата Твоја", како поттик или мото на монахињите, дека нивното монашко живеење претставува целосно одрекување од својата волја и исполнување на Божјата волја.
Кога се молиме и велиме: "да биде волјата Твоја", ние не бараме Бог да прави што сака, туку се молиме Бог да ни помогне да можеме ние да го правиме она што го сака Бог, а тоа значи, се молиме и бараме да биде во нас Божјата волја, па нашиот дух и делата наши во се да бидат во согласност со Божјата волја.
— Да биде во мене волјата Твоја, Господи, за да постане бездејствена волјата на ѓаволот.
Така молејќи се, ние искажуваме дека без Бога ние не можеме да ја исполнуваме волјата Божја.
Со зборовите: "Да биде волјата Твоја" ние се обраќаме кон Бога и велиме: "Оче, ние не знаеме што ни е од полза, што е добро и спасоносно. Единствено Ти го знаеш тоа и затоа Те молиме, во се, секогаш и секаде, место нашата, нека се исполнува Твојата волја. Нашата волја може да побара и грешни работи, а Твојата е света. Ние честопати грешни работи посакуваме и тогаш, Господи, Ти не слушај ги нашите молитви, а, еве, целосно се предаваме во Твоите раце и велиме: 'да биде волјата Твоја како на небото, така и на земјата'."
За да се исполни волјата Божја на земјата потребно ли е ние да се молиме или таа може да се исполнува и без нашата молитва и волја? Свети Тихон Задонски порачува: "Волјата Божја се исполнува и без нашата прозба, а се молиме за да можеме и ние да го правиме она што го сака Неговата волја. Не можеме да ја исполниме Божјата волја без Божја помош и без одрекување од својата волја. Најнапред треба да се откажеме и да ја оставиме својата волја, па да живееме свето, чисто, со љубов и во согласност со сите, за да можеме да ја подражаваме и да ја исполнуваме Божјата волја. И блазе на оној, кој совршено ќе се предаде на Божјата волја. Длабок мир ќе се всели во неговото срце и него ништо нема да го тревожи. Секогаш ќе биде свесен дека тој не е значаен, туку Бог, Кој нема никогаш да го остави без благодатната помош. Што и да го снајде во животот, па не дај, Боже, и несреќа или зло, тој молитвено ќе погледне кон небото и ќе повтори "да биде волјата Твоја, Оче наш! Ти се гледаш, се знаеш и нема да ме оставиш, Господи!"
Како што детето е спокојно во прегратката на својата мајка, така е спокојна и душата која е целосно предадена на волјата Божја. И како што детето е послушно на волјата на родителите и се грижи да ги исполни нивните заповеди, така и човекот предаден на волјата Божја, со сето срце се стреми да го дознае и да го исполни се она што на Бога Му е угодно.
Најнапред, треба да ја отфрлиме од себе сопствената зла волја, а потоа да се молиме да дојде и да биде добрата Божја волја.
(Продолжува)
Подготви: Стојанка Тежак
Автор: протоѓакон Ратомир Грозданоски - „Господовата молитва“
Издавач: “Магнат”- Скопје
Со благослов на Архепископот Охридски и Македонски г.г. Михаил
ПРЕДГОВОР
Возљубени браќа и сестри,
Голема е тајната и силата на Господовата молитва. Во толку кратка молитва, со малку зборови, содржана и искажана е голема духовна сила на молението.
Ако Бог е Отец на христијаните, тогаш тие не смеат молитвено да Го повикуваат преку молитвата "Оче наш" и Отец да Го нарекуваат, ниту Господовата молитва да ја кажуваат додека не се покаат и не се очистат од гревовите свои, оти така заповедал Свети апостол Павле и рекол: "Да отстапи од неправдата секој, што го произнесува името Господово!" (2. Тим. 2,19).
Како можеш да Му речеш на Бога "Оче наш," а живееш недостојно, сиот си во гревови и со својот карактер си станал ѓаволоподобен?
Оние, кои Бога Го нарекуваат Отец и кои се молат со "Оче наш" треба да бидат синови Божји, а синот треба да личи на отецот, треба да биде богоподобен во се: во своите мисли, во своите зборови, во своите чувства и во своите дела.
Ако си грешел, пак, брзо покај се и исповедај ги гревовите свои!
Направи и ти како што направил блудниот и непослушен син (Лука 15, 11-32). Погледни кон себе си и во себе си, согледај го гревот свој и обрати се — врати се кај Бога Отецот, па појди в црква кај свештеникот и пред него и пред лицето Божјо со смирение и покајание признај го и исповедај го својот грев, велејќи: — Оче згрешив против небото и пред Тебе и не сум веќе достоен да се наречам Твој син, но прими ме, оти се каам... (Лука 15,18-19). Тогаш Бог ќе ти прости и ќе те прими со радост.
И дури потоа заедно со сите христијани ќе можеш достојно да ја кажуваш молитвата "Оче наш" и Бога да Го нарекуваш твој Отец, а луѓето да ги чувствуваш како свои браќа. Така ќе имаш во себе вистинско богољубие и човекољубие, а тие се двете најголеми заповеди врз кои се темели целиот Закон и Пророците и преку кои се спасува човекот (Матеј
22,37-40).
Авторот.
Друго:
Друго:
Прoф. Ратомир Гроздановски - Господовата молитва(1)
Прoф. Ратомир Гроздановски - Господовата молитва(2)
Прoф. Ратомир Гроздановски - Господовата молитва (3)
Прoф. Ратомир Гроздановски - Господовата молитва (4)
