„Блажени се оние кои живеат во домот Твој; тие постојано Те фалат.”
Покрај неопходната и душеспасителна молитва и Светите Богослужби, монасите во Манастирот Пресвета Троица имаат и многу секојдневни обврски и послушанија.
Едно од најважните послушанија е работата во печатницата. Печатницата е всушност олицетворение на првата манастирска печатница во Почаев, основана од ревносниот бранител на православието – Јов Почаевски, која и покрај многуте искушенија и неколкуте преместувања поради Руската револуција и двете светски војни, сепак успеала да опстои и до ден денес да ја извршува својата мисионерска дејност. Св. Јов Почаевски е патрон на Манастирската печатница.
Машините кои претходно се користеле во печатницата, во поново време се заменети со најсовремени, компјутерски програмирани машини, кои им овозможуваат на монасите попродуктивно и поефикасно да ја извршуваат печатарската дејност. Инаку, нивните печатарски изданија патуваат низ целиот свет! Многу православни Цркви ширум светот посебно ги порачуваат нивните т.н. „Календари”, каде детално се разработени Богослужбите за секоја недела и поважните празници во текот на годината.
Во склоп на Манастирот постои и студио за иконопис, основано пред околу половина век од архимандритот Кипријан (тоа е истиот фрескописец што ја насликал Катедралната Црква во Сан Франциско, а има живописано и многу други храмови низ Америка).
Монах Саватиј со восхит ми кажуваше како архимандритот Кипријан бил прочуен по неговиот уникатен стил на сликање икони и фрески. Неговиот стил мнозина негови ученици се труделе да го повторат, но, според зборовите на о.Саватиј, никој досега не успеал да ја долови таа топлина што тој ја внесувал во секој насликан лик.
Исто, како што можев и јас да забележам, сите од него насликани ликови имаат посебен надворешен изглед, посебни црти на лицето – ниту два лика не се исти. Ова посебно се забележува во од него насликаната икона на Светите Киево-печерски оци, кои ги има над 60-тина и сите имаат свој посебен изглед!
Покрај рачната изработка, голем број икони се копираат на дрво, за да се заштеди во време и за да се задоволи огромната побарувачка на икони. Иконите во главно се продаваат во Манастирската книжара, заедно со огромен избор на книги со духовна содржина и разни црковни предмети.
(Продолжува)
Подготви: С.Л.
Јако да царја
{mp3}Jako_da_carja{/mp3}
Јединородни сине
{mp3}Jedinorodni_Sine{/mp3}
Тропар на воведение
{mp3}Tropar_na_vovedenie{/mp3}
Задостојник
{mp3}Zadostojnik{/mp3}
Друго:
- ЏОРДАНВИЛ (Њујорк) - ПАРЧЕ РАЈ НА ЗЕМЈАТА (1)
- ЏОРДАНВИЛ (Њујорк) - ПАРЧЕ РАЈ НА ЗЕМЈАТА (2)
- ЏОРДАНВИЛ (Њујорк) - ПАРЧЕ РАЈ НА ЗЕМЈАТА (3)
- ЏОРДАНВИЛ (Њујорк) - ПАРЧЕ РАЈ НА ЗЕМЈАТА (4)
