Да го вратиме достоинството на Кнегињата Кита!
Манастирот „Св. Ѓорѓи" се наоѓа на 5 км. од Кичево во планински предел.
Пронајдовме: - под од мозаик, фрески од најпрочуените Михаил и Ефтихиј, украсен ѕид од конак (единствен во Македонија), гробот со телото на Кнегињата Кита и скапоцен прстен на раката.
Во манастирот, има, 3 свети и чудотворни води, од кои многумина и ден денес наоѓаат лек за разни болести. Првата е посветена на Преполовение, втората на света Недела, а третата на света Петка.
Од годинава, започна обновување на монашкиот живот во манастирот. Во изградба е нов конак и нова црква посветена на свети Горѓи. Господ Ви дал многу. Можеби, сега е моментот, кога треба да Му заблагодарите и да помогнете во изградбата на овој Негов дом.
Со посета и даренија на манастирот, имињата на Вашите семејства, Бог, ќе ги запише во Книгата на вечниот живот.
Манастир „Св. Ѓорѓи - Кнежино" - Кичево
тел.: 045/ 262-500 и 071/ 501-048
ж-ска: 200001514234012 - Стопанска Банка
девизна ж-ска: ID бр. 1954901
донаторски броеви:
(со секое вртење донирате 100 денари)
КРАТКО ЖИТИЕ НА СВЕТИ ЃОРЃИ
Светиот великомаченик Ѓорѓи, бил син на богати и благочестиви христијани. Кога пораснал, отишол во војска, каде достигнал висок чин во службата.
Царот Диоклецијан, почнал страшно гонење против христијаните. Ѓорѓи, излегол пред него и исповедал дека е христијанин. Царот го фрлил во самица и наредил нозете да му се стават во жар, а на градите тежок камен. Потоа, го врзале на тркало под кое имало штици со големи клинци, па го вртеле додека цело тело не му станало како една крвава рана. Раскрвавеното тело го закопале во ров и го оставиле 3 дена. Му дал да пие и отров, но Бог, по секое мачење го лекувал.
Свети Ѓорѓи, воскреснал еден мртовец, по што многумина ја примиле верата Христова. Меѓу нив биле: жената на царот Диоклецијан - Александра, главниот гатач Атанасиј, земјоделецот Гликериј и други.
Најпосле, царот, го осудил Свети Ѓорѓи и својата жена, да ги пресечат со меч. Блажената Александра се упокоила на губилиштето пред да биде исечена, а Свети Ѓорѓи бил обезглавен во 303 година.
Чудата, што се случуваат на гробот на светителот, немаат број. Им нема број и на неговите јавувања во сон и на јаве на многумина кои ја бараат неговата помош.
Господ му дал сила и власт, да им помага на болните и на тие што се во невоља. Заради тоа, свети Ѓорѓи го чествуваат сите луѓе, а не само христијаните.
Се празнува на 06 мај и на 16 ноември.
Посети: {moshits}
