ВТОРНИК

Господ им говорел на апостолите за градот што нема да ги прими или што нема да ја  слуша нивната проповед :  „Полесно ќе и биде на земјата Содомска и Гоморска во судниот ден отколку на тој град (Мт. 10,15). А што ќе ни се случи нам за неслушање на зборовите од Божественото откровение? На нашата несреќа ќе ѝ нема мера. Да не се верува во Божјата вистина по толку опипливи сведоштва е исто што и да се  падне во хула на  Светиот Дух, во богохулство. Па сепак ние не се плашиме. Едни подлегнуваат на убедувањата на спиритистите: „Каков суд! Се работи само за ново раѓање“. Други слушаат научници: „На кого да му се суди? Сето тоа се само атоми. Тие ќе се разлетаат и ќе дојде крај на се“. Меѓутоа, пријатели, ќе дојде часот на смртта и ќе се распрснат сите мечтаења како призраци, а вистината ќе се јави во сета нејзина неумоливост. И што тогаш?..О, жалосно време наше. Непријателот брза да ги погуби нашите души. Знае дека стравот од Судот и од смртта е најсилното средство за отрезнување на душата, и се труди на секој начин да го растера. И успева во тоа. Но, придуши го тој страв и ќе го изгубиш и стравот Божји, а без страв Божји ќе замолкне и совеста. И душата ќе стане празна, ќе стане безводен облак носен од ветер на секакво учење и од ветер на секакви пориви на страсти.

Св. Теофан Затворник - МИСЛИ ЗА СЕКОЈ ДЕН ВО ГОДИНАТА

Извор: СВЕТОСАВЉЕ

 Друго: Од Верскиот календар на МПЦ (08.06.2010)

Предговор

Друго:

http://www.kiot.ru/Cntnt/Feofan.php