Вторник

Вардете се од лажните пророци (Мт.7, 15). Од почетокот на Христијанството па до денес не  постоел период во кој  оваа претпазливост немала своја примена. Господ не ни укажувал  од какви лажни пророци да се чуваме. Инаку, како сите да ги одредиме?Тие се менуваат, и секое време породува свои. Тие секогаш настапуваат под овчјата  облека, со навидум добри намери во постапките, и со призрак на вистина во зборовите. Во наше време облеката им е сошиена од  прогрес, цивилизација, просветување, слобода на мисли и дела, лично убедување кое не ја прифаќа верата, и слично на тоа.Сето тоа е лажно покривало. Среќавајќи појава на таква облека, не брзај да го отвораш духот свој за  зборовите на пророкот кој е облечен во неа. Погледај убаво дали можеби не се крие волк  под  овчјата  кожа. Знај дека Господ е единствен покренувач кон вистинското совршенство, единствен омекнувач на човечките срца и природа, единствен просветител, единствен дарител на слобода и исполнувач на човечките срца со чувства на вистината, кои носат убедување кое ништо на светот не може да го поколеба. Заради тоа,штом во зборовите на новите пророци забележиш, макар и сенка на противречност со Господовото учење, биди сигурен дека станува збор за грабливи волци и оддалечи се од нив.