ЏОРДАНВИЛ (Њујорк) - ПАРЧЕ РАЈ НА ЗЕМЈАТА (9)

„Пуштете ги децата да доаѓаат при Мене“

Манастирот и неговите дворови се често пребивалиште и радост и на најмладите! Додека престојував во ова свето место видов многу дечиња. По неделната Литургија, еден од Богословските студенти ги имаше собрано во Храмот и ги поучуваше присутните дечиња за житието на Светиот Александар Невски чиј спомен се празнуваше тој ден.

Stefan.Petkovden.jpg

„Се што дише нека го фали Господа!“

Stefan.Petkovden.jpg

Ах, колку е прекрасен Џорданвил!

Stefan.Petkovden.jpg

Ова прекрасно место има сестрано значење. Веќе е назначено како State Landmark за државата Њујорк, а монах Саватиј ме извести и дека имаат аплицирано и очекуваат да бидат назначени и како National Landmark – за цела Америка, зашто Манастирот навистина има преголемо историско значење – особено што за време на светските војни многу Руси се населиле во ова место и значително влијаеле на структурата и традицијата на населението во Америка.
Но, сепак, најголемото значење што Џорданвил го има е духовното! Православната мисионерска дејност – преку школувањето на студенти од сите краеви на светот и преку печатарската дејност, како и благодатта со која зрачи и бесплатно ја дарува на сите што пребиваат во него.

Навистина, кога човек ќе стапне на ова свето место и ќе ја почувствува сета негова убавина и благодат, неговото срце само ќе почне да говори:

„Само за едно Го молам Господа, само тоа го сакам: да останам во домот Господов преку сите денови на животот мој, да ја гледам Господовата убавина и да го посетувам Неговиот свет Храм!“ (пс.26, 4)

Stefan.Petkovden.jpg