15. мај 2009 год. - храм Рождество на Пресвета Богородица, Скопје
На 15 мај во соборниот храм на град Скопје се одржа промоција на нова книга и ЦД со источно - црковно пеење. Проектот кој се состои од два дела: Книга во која од источниот невматски нотен систем се преведени на современата западна нотација сите литургиски химни кои се пејат на трите Литургии во Православната Црква (Златоустова, Василиева и Преждеосвештена), пропратени со музички диск на кој се снимени пове’е композиции од книгата. Тоа за прв пат кај нас, во Македонија, прави исклучителен чекор напред во развојот и приближувањето на оваа псалтикијна црковна уметност до обичниот верник и научната јавност.
За Проектот Книга и ЦД „Света Литургија” говореа протопсалтите Александар Гулевски и Ристо Солунчев при што беше истакната важноста и потребата од еден ваков стручен и сериозен проект од областа на црковното пеење, проект кој ке биде значаен и прифатен од соседните сестрински Помесни Цркви.
Промоцијата на Книгата и музичкиот диск на Протопсалтот Георгиј Секулоски беше одржана во рамките на Фестивалот за Источно Пеење кој веке четврта година се одржува како дел од Манифестацијата Денови на Јустинијан Први. Оваа година учесниците на Фестивалот, т.е. хорските ансамбли кои беа поканети да земат учество покачаа висок степен на интерпретација и квалитет. Со тоа се создадоа услови, како беше најавено од селекторот на Програмата на Фестивалот, Георгиј Секулоски, за следната година истиот да прерасне во меѓународна манифестација и место каде хорските ансамбли од Балканските земји ке можат да разменуваат искуства и да ја споделат нивната уметност со сите искрени љубители на источно-црковното пеење.
Посети: {moshits}
Друго:
- Протопсалт Георгиј Секулоски
- Kнига и ЦД „Света Литургија“ - Источно црковно пеење од Георгиј Секулоски
- СВЕТА ЛИТУРГИЈА НА АНГЕЛОГЛАСНИОТ ПСАЛТ ОД ПРИЛЕП
