Загреб, 19.10. 1008. год.
БОЖЕСТВЕНА ЛИТУРГИЈА
Кога Светата Црква го слави Св. апостол Тома, Божествена Литургија отслужи парохискиот
свештеник Протоереј Кирко Велински.
Верниот народ прими Света Тајна Причест.
После Литургијата се отслужи Помен за Божјото чедо Тоше Проески.
За Преминпортал: Стојанка Тежак
Друго:
Молитви за Тоше во Загреб
Импровизираниот олтар во Македонската православна црква во Загреб бил полн со фотографии од Проески и пораки од фановите
Македонската православна црква во Загреб викендов била премала за да ги собере сите обожаватели на Тоше Проески кои, на едногодишнината од смртта, сакаа да му оддадат почит, јавуваат хрватските медиуми. Импровизираниот олтар бил преполн со негови фотографии и пораки од фановите.
- Ниедна светска организација ниту политичар не успеаја да ги зближат двете земји како што тоа го направи Тоше Проески. Навистина за него може да се рече дека беше ангел што шеташе по земјата. Во нашите срца засекогаш ќе остане празнина поради загубата на ангелот - рекол свештеникот што ја водел службата.
На Литургијата не присуствувале хрватските колеги и соработници на Проески. Поголемиот дел од нив тврдат дека не биле информирани дека ќе има ваков собир во црквата. Во меѓувреме, босанските медиуми објавија дека постхумно Проески ќе освои уште две награди „Индекси“ - за најдобар поп-албум („Игра без граница“) и за машка вокална изведба. Најпрестижните музички награди во Босна ќе бидат доделени на 25 октомври во Сараево.
