Скопје, 8ти јануари 2021 лето Господово - храм на св. Пророк Илија
На 8ти јануари 2021 година, во нашата света, соборна и апостолска Цркви молитвено го прослави споменот на
Собор на Пресвета Богородица
На вториот ден од Божик христијанската Црква ѝ оддава слава на Пресветата Божја Мајка, Којашто Го роди Господ и Сапсителот наш Исус Христос. Ова празнување се нарекува Нејзин собор затоа што на тој ден се собираат сите верни за да Ја прослават Нејзе, Која е Богородица. Тогаш се служи торжествено, соборно, во Нејзина чест. Во Охрид од древноста беше устроено спроти вториот ден на Божик вечерната да се служи само во црквата на Пресвета Богородица, наречена Челница. Целото свештенство со народот овде соборно Ја прославуваше Пречистата Божја Мајка.
Апостол на празник: Послание на светиот апостол Павле до Евреите 2:11-18
11. Бидејќи Оној, што осветува, и оние, што се осветуваат, сите се од Еден; и затоа не се срамува да ги нарече браќа, велејќи:
12. Ќе го возвестам името Твое меѓу браќата Мои, насред црква ќе Те воспеам.
13. И пак: „Јас ќе се надевам на Него”. И одново: „Ете Ме мене и децата Мои, што Ми ги даде Бог”.
14. А бидејќи децата се учесници во телото и крвта, тоа и Он зеде еднакво учество во тоа, та преку смртта да го победи оној, што ја има власта над смртта, односно ѓаволот;
15. и да ги избави оние што од страв пред смртта преку целиот живот беа подложени на ропство.
16. Оти, навистина, не од ангели прими природа, а од потомството на Авраама прими;
17. затоа должен беше во сe да личи на браќата, па да биде милостив и верен првосвештеник пред Бога, за да ги очисти гревовите народни.
18. Зашто во она, што Сам претрпе, откако беше искушан, во тоа ќе може и на искушуваните да им помогне.
Евангелие на празник: Свето евангелие според светиот апостол Матеј 2:11-23
На 8ми јануари 2021 година, во триесетата недела по Педесетница, кога МПЦ-ОА молитвено го прослави споменот на Собор на Пресвета Богородица во храмот на св.Пророк Илија, во скопската населба Аеродром, свештеникот Димче Бојковски во сослужение на ѓаконот Александар Брајановски , отслужи Божествена Литургија На Светата Литургија, верниот народ се причести со Светите Христови Тајни. На крајот на Литургијата отецот произнесе празничн беседа.
Поука на денот: Авва Доротеј
Во името на Исуса Христа, брате мој, ние немаме никакво право пред својот брат. И должни сме со љубов да преминеме преку незадоволството и да го проголтаме. И така, никој да не го прашува својот ближен ’зошто не ме сакаш?’, а самиот нека го нагонува на љубов, чинејќи го само она што е достојно за неа.
Преминпортал (к.т.)
Друго:
- Божествена Литургија во храмот на св.пророк Илија, Скопје (09.10.2019)
- Божествена Литургија во храмот на св.пророк Илија, Скопје (26.11.2018)
- Божествена Литургија во храмот на св.пророк Илија, Скопје (14.08.2018)
