Храм на св. пророк Илија- Скопје
Човекот во својот живот преку своите дела и мисли остава столб на светлина, кој на многу генерации потоа им служи како патоказ кон вистинските вредности: љубовта, вистината, правдата, мирот...
На 2 август 2008 година, во денот кога Светата Црква го слави споменот на светиот пророк Илија, по Светата Литургија, а по повод одбележувањето на двата историски Илиндена - 105 години од Илинденското востание и 64 години од Првото заседание на АСНОМ, во храмот на св. пророк Илија во Скопје, Неговото Блаженство, Архиепископот Охридски и Македонски Г.Г. Стефан отслужи Панихидата во спомен на сите загинати и починати учесници во сите буни и војни, пред и по двата Илиндена. молитвено просејќи од Бога, мир и спасение за нивните души.
Претседателот на Владата г-дин Никола Груевски, со дел од министрите во Владата на Р. Македонија, присуствуваше на Панихида во црквата Свети Илија, во населбата Аеродром во Скопје.
Смртта како премин во вечниот живот, го запечатува споменот за човекот на земјата и неговото пребивање пред својот народ, а делата остануваат како вечен пример кој сведочи пред престолот на Бога, за крвта пролеана за слободата на својот народ и за воздигнување и утврдување на Православната Црква, која низ вековите, молитвено го сочувала духовниот и народниот идентитет.
Посети:{moshits}
К.Т/А.П./Т.П.
Друго:
