Собор на светите Апостоли
Денес, кога Црквата Божја го празнува соборот на светите славни и сефални Апостоли, во црквата на свети Григориј Палама и свети великомаченик Димитриј Мироточив во Струмица, Митрополитот Струмички г. Наум отслужи Божествена Литургија. На Литургијата верниот народ се причести со Светите Христови Тајни.
"Верно, голема е тајната на послушанието. Кога и слаткиот наш Исус прв го одбележа патот и стана пример за нас, колку повеќе и ние сме должни да Го подражаваме Него. Камо да бев и јас чедо мое, помеѓу вас да се подвизувам во моето желно и вистинско послушание. Бидејќи исповедам најискрено, со цела сила и наполно сознание дека не постои друг спасителен пат, којшто е далеку од секоја прелест и од секое дејство на непријателот. Така што, кој навистина сака да се спаси, и да го пронајде брзо благиот Исус, должен е да биде послушен. Со толкава љубов должен е да го гледа својот Старец како да го гледа обличјето Христово... Не е послушание само да ја извршиш оваа или онаа заповед, како што ќе ти биде наредено, а интимно да противречиш. Послушание е да го потчиниш разумот, начинот на размислување на твојата душа за да се ослободиш од стариот човек. Послушание е да станеш роб, за да станеш слободен. Купи ја ефтино твојата слобода. Ослободи се од одговорноста и радувај се.“ (Старец Јосиф Спилеот)
Посети:{moshits}
