с..Љубанци (скопско) , 21.04.2014 год. - манастир на св. Никола
Воскресен стихир, глас 2:
На 21-ви април 2014 година, вториот ден од Воскресението Христово, кога Светата Црква молитвено
го празнува и споменот на светите апостоли Иродион, Руф, Асинкрит, Флегонт и Ермиј , во манастирот на св. Никола
во с.Љубанци, презвитер Горан Стојчевски отслужи света Златоустова
Литургија.Традиционално, на Литургијата молитвено присуствуаа и жителите
на селото. Бројниот верен народ се причести со
Светите Христови Тајни. По Литургијата посетителите беа собрани на манастирската трпезата на љубовта.
По Литургијата- Средба со многу љубов
Preminportal (к.т.)
Огласително слово за Пасха – свети Јован Златоуст
...Го огорчи адот, кој телото Негово го вкуси, а предузнавајќи го ова Исаија, воскликна: Адот се огорчи кога Те сретна долу.
Се огорчи, зашто опусте. Се огорчи, зашто беше сотрен. Се огорчи, зашто
беше исмеан. Се огорчи, зашто беше умртвен. Се огорчи, зашто бидна
соборен. Се огорчи, зашто беше окован. Прими тело, а налета на Бога.
Прими земја, а се соочи со Небото. Го прими она што го гледаше, а
попадна во она што не го гледаше. Каде ти е, о смрт, осилото? Каде ти е,
аду, победата?
Воскресна Христос, и ти се урна! Воскресна Христос, и паднаа демоните!
Воскресна Христос, и се радуваат Ангелите! Воскресна Христос, и животот
торжествува! Воскресна Христос, и нема ниеден мртов в гроб!
Зашто Христос, востанувајќи од мртвите, стана Првина на упокоените. Нему слава и власт во вековите на вековите! Амин!
Друго:
ВОСКРЕСЕНИЕ НА ГОСПОД ИСУС ХРИСТОС
Пасхално
слово на свети Јован Златоуст
