Скопје, 02.032014 год.- храм на св. пророк Илија, н. Аеродром
„Бидејќи, ако им ги простите на луѓето нивните гревови и вам ќе ви ги прости вашиот Отец небесен; ако, пак, не им ги простите гревовите на луѓето и вашиот Отец нема да ви ги прости вашите“ (Мат. 6, 14-15). Христос вели: „Ви дадов пример да правите и вие така, како што ви направив Јас“ (Јован 13, 15).
На 2-ри март 2014 година, во Неделата сиропусна, кога Светата Црква го востановила празникот на светиот великомаченик Теодор Тирон и преподобниот Теодосиј Бугарин и неговиот ученик Роман, пред почетокот на престојниот Велики пост кој започнува од наредниот ден, во храмот на св. пророк Илија , во скопската населба Аеродром, се отслужи Божествена Литургија. Во беседа за простувањето, отец Ангел укажа на големината и значењето на простувањето, и по примерот на Господ Исус Христос, да ја исполнуваме заповедтта на љубовта и го отвориме патот за внесување на Царството небесно во нашите срца. „Бидејќи, ако им ги простите на луѓето нивните гревови и вам ќе ви ги прости вашиот Отец небесен; ако, пак, не им ги простите гревовите на луѓето и вашиот Отец нема да ви ги прости вашите“ (Мат. 6, 14-15). Христос вели: „Ви дадов пример да правите и вие така, како што ви направив Јас“ (Јован 13, 15). На Литургијата молитвено присуствуваше Архиепископот Охридски и Македонски г.г. Стефан благословувајќи го верниот народ подели нафора.
