Многу  луѓе го бараат современиот Старец за да му препуштат тој да одлучува за нивните проблеми.  Тие сакаат да го запознаат новиот Старец Пајсиј, кој ќе има безгранична љубов, небесна мудрост, свет живот и молитва,  која Бог ќе ја чуе и која чуда прави.
Овие луѓе им се јавуваат на телефон  на свештениците  и се жалаат што немале прилика да го запознаат Старецот Пајсиј додека бил жив.
 
Одговорoт е дека Бог повторно ќе испрати таков Старец коj ќе им помага.  Очигледно, ова ја разбудува надежта, но нашите браќа и сестри сакаат  да ги решат своите проблеми сега, а не во иднина. Тоа може да се види во нивните солзи, во бојата на гласот и болката.
 
Многу пати  луѓето се потпираат на другите да се молат за нив, а забораваат дека со своите молитви,  кои произлегуваат од чисто срце,  можат да го добијат тоа што го сакаат.

Комуникацијата со Бога не би требало да биде преку трети лица. Сите треба да се молат, духовно да се борат, да ги исполнуваат заповедите Божји и да бараат помош од оние, кои можат да им помогнат. Сите е потребно да бидат активни и да го бараат Патот Божји, а не да бидат мрзеливи.
 
Забележав  дека многумина  ги читаат книгите на современите старци, но повеќе се задржуваат на чудата, а не на поуките. Ова мора да се поправи.
 Бројот на чудата нема практична вредност.
Што е едно, што се  сто чуда ?  Тие се исти.

Не смееме да заборавиме дека Христос ги извршува чудата преку добродетелниот човек.  Ако Христос види дека чудото нема да биде од духовна помош, тогаш нема ниту да направи чудо.
 
Нашето внимание  треба да биде усмерено на поуките на старците. Треба ним да им посветиме внимание и да ги применуваме без да ја менуваме нивната смисла , зашто старците своите поуки најпрвин ги примениле врз себе.

Нивните поуки се искуствени.  Заради тоа, тие духовно ги менуваат оние кои што правилно ги применуваат, зашто духовното семе го примаат во своите души и напредуваат во животот во Христа.

Наскоро ќе сфатиме дека патот на Старците мора да стане и наш пат, а нивното искуство мора да стане наше сопствено искуство.

Не е доволно да бидеме само почитувачи  на Старците, туку  да одиме по другиот пат. Треба понизно да ги следиме.
Тие  нека бидат светли примери во нашиот духовен живот.

Подготви : М. Даниловска

Protojerej Dionisije Tatsis
 
Preveo sa grčkog John Sanidopoulos
 
Prevod sa engleskog Vladimir Srbljak
3.2.2014 godine
 
Izvor:  http://www.johnsanidopoulos.com/2012/11/it-is-not-enough-to-be-fans-of-elders.html

7-ми февруари, лето Господово 2014