Прв митрополит на новоформираната тетовско-гостиварска епархија на Македонската Православна Црква - Охридска Архиепископија е досегашниот епископ велички господин Јосиф.

 Неговото интронизирање се одржа во соборниот храм Свети Кирил  и Методиј во Тетово а со чинот на устоличувањето и светата архиерејска литургија чиноначалствуваше архиепископот охридски и македонски господин господин Стефан во сослужение на останатите митрополи и епископи од Синодот на МПЦ.

Ќе бидеш архиреј меѓу народ каде со крстот и полумесецот се препознава секој човек и секоја населба, помагај да се залечат раните, моли се да се утешат онеправданите, почитувај ги разликите на секого и учи ги луѓето да  го прават тоа на други што сакаат другите тоа ним да им го прават му порача на новиот владика Архиепископот Охридски и македонски господин господин Стефан.

-Доаѓаш во предели каде се длабоки и древни христијанските темели, ќе бидеш меѓу народ што љубоморно ја чува и живее верата православна, меѓу народ кој поради секојдневните притисоци се повеќе се оретчува но оној кој останува е верен народ и си ја сака црквата македонска и земјата прадедовска.

Почитувани тетовци, гостиварци и жители на мавровскиот и горнореканскиот крај, не можам да не го изразам мојот восхит што Господ ме предал на вашите молитви, да бидам ваш слуга. Колку сме - толку сме, благословени да сме. Со овие зборови тетовско гостиварскиот митрополит господин Јосиф ги поздрави доверените верници

-Материјалните градби ги имаме, ги наследуваме и за нив ќе се грижиме со постојана будност, нови ќе создаваме но најважно од се е возобновата на духовниот живот на овие краишта, да видат овие ѕидови верен народ кој постојано ќе влегува меѓу нив, да слушнат овие фрески и кони молитви, да тропнат камбаните за служба, да оживеат манастирите и манастирските имоти со црнорисци рече првиот тетовско гостиварски митрополит господин Јосиф.

Тетовско гостиварскиот митрополит господин Јосиф е роден на 21 јануари 1982 година во Скопје и на ова место доаѓа како досегашен епископ велички а бил и архимандрит на Бигорскиот манастир.

 Извор: Канал 5