Велигденската радост за децата без родители од Домот „11 Октомври“, продолжи и во Светлата сабота во манастирот "Успение на Пресвета Богородица" во Матка, кога со благослов на Неговото блаженство, Архиепископот охридски и македонски г. г. Стефан и со заложба на директорката на оваа институција, г-ѓа Ристенка Атанасова, Епископот велики г. Јосиф, со асистенција од презвитерите Стефчо Беќарски, Горан Тасески, Бобан Митевски и Костадин Малинов и ѓаконот Игор Настески, изврши света тајна Крштение, на тој начин „облекувајќи“ ги младенците во Христа. По тој повод и Библиското здружение на Р. Македонија, на новокрстените им подели По стапките на св. апостол Павле и други дарови, а Скопската епархија организираше трпеза на љубовта, заедно со спонзорите: ЈСП Скопје, Пекара "СПЕЦИЈАЛ", Слаткарница "КАНЕЛА", "ЕВРОПА" И "СТРУЖАНКА".
Извор: Скоска епархија
