Скопје, 20 октомври 2012 год.- Соборен храм на св. Климент Охридски
Денеска по Божја промисла и за радост на сите македонски православни верници, а со одлука на Светиот архиерејски синод на Македонска православна црква - Охридска архиепископија во предвечерието на утрешниот празник на преподобна Пелагија во соборниот храм Свети Климент Охридски во Скопје беше извршено Наречение на новоизбраниот епископ на МПЦ-ОА г. Јосиф (Пејовски).
На овој свечен и радосен чин присуствуваа голем број на верници и свештенослужители од сите епархии на МПЦ кои со голема духовна радост ги пречекаа, Архиепископот Охридски и Македонски г.г. Стефан и сите архиереи на Светиот синод.
Пред трпезата на љубовта која беше поставена на средината во храмот епископот Хераклејски г. Климент ја објави одлуката на Светиот синод со која е избран архимандритот г. Јосиф (Пејовски) за викарен епископ на Полошко-кумановската епархија со титула епископ Лешочки. Притоа новонаречениот епископ Јосиф им се придружи на останатите архиереи на трпезата на љубовта.
По наречението се отслужи вечерна богослужба со која чиноначалствуваше наречениот епископ Лешочки г. Јосиф во сослужение со преподобните монаси и останатите свештенослужители.
За Преминпортал:
-
текст- Константин Павлевски
-
фото- К.Т/Р.К.
-
Нека Господ, епископе Лешчки г. Јосифе, Ви даде сила, љубов и мудрост да продолжите да го пазите довереното Ви од Бога стадо.
На многаја лета !
Од редакцијата на сајтот „Преминпортал“
Лето Господово 2012
Oд устата на младeнцитe и дoeнчињата си ја сoздал пoфалата Свoја
заради нeпријатeлитe Твoи... (Пс. 8:2).
