Мироточива Икона на Мајката Божја доаѓа во Светотроитскиот манастир
во Џорданвил, Њујорк
Возљубени браќа и сестри, особено за Вас, кои живеете во Америка и Канада.
На крајот на овој месец Октомври, викендот од 26 до 28 ќе пристигне и ќе биде овде Мироточивата икона на Мајката Божја Иверско-Хавајска. Исто така оваа години е јубилејна за истата мироточива икона. Се исполнуваат пет години откако почна да мироточи. Истата пребива на Хаваи, но меѓувреме патува на разни места. Овде, во Светотроиткиот манастир обично доаѓа еднаш во годината. Убава, благословена и радоста прилика е за Вас, кои можете да дојдете и да се поклоните на оваа мироточива икона.
Од моето лично искуство, кога јас прв пак ја видов, останав бев зборови и не можев да се изнагледам колку само мироточи, излева миро! (можете многу јасно да забележите на фотографијата)
Уште еднаш јас, како и овој Светотроитски манастир ја користиме можоста да Ве известиме и поканиме да дојдете и духовно да се радуваме.
Да просиме милост од Царицата Небесна за нас, нашите блиски, за нашата ни Македонска Црква и за нашиот македонски народ и секако за сите православни браќа и сестри.
За Вас, кои живеете во Америка или Канада, сакате да дојдете и да се поклоните на оваа мироточива икона, овде Ви го пишувам меилот. Оваа е-адреса е заштитена од спамботови. Треба да ви е овозможено JavaScript за да ја видите. .
Мироточивата икона, како што напомнав погоре, ќе биде овде последниот викент од Октомври. Во сабота навечер ќе има бдение, и во недела празнична и архиерејска литургија. За оние кои сакаат да дојдат, манастирот има гостилница за поклоници.
По молитвите на Пресвета Богородица, нашата Мајка, Бог постојано да биде со нас... и да не собере овде во Џорданвил за сите соборно да се радуваме!
Радувајте се!
Стојан Серафим Андов
Троитско Свет Манастир
Џорданвил, Њујорк
