Скопје, 12 август    2012  год.- храмот на св. пророк Илија во населбата Аеродром

 Во единаесеттата   недела по  Педесетница,  кога Светата Црква молитвено се потсетува на Пренос на моштите на свети Климент Охридски, светите апостоли Сила, Силуан, Крискент, Епенет и Андроник и свети Јован, војник, во  храмот на св.пророк Илија , во населбата Аеродром, во Скопје, отец  Игор Калпаковски  отслужи  Божествена Литургија. На Литургијата многубројниот верен  народ се причести со Светите Христови Тајни. Потестувајќи не на претстојните Богородичини пости, отец Игор во својата пастирска поука укажа на неопходноста од духовно насочување и внимание во нашиот живот. Посочи дека духовната димензија во денешни услови на живеење се повеќе се запоставува,  што секако е погубно. Кога станува збор за телесното постење, тој рече  дека   Црквата го пропишала според нашите просечни сили , зашто секогаш имало прекрасни примери на подвижници   кои постеле  без храна и до  40 дена.

Свети Исихиј, презвитер Ерусалимски

Слика на надворешните, сетилно-телесните подвизи е Стариот Завет, додека Светото Евангелие кое и е самиот Нов Завет, слика е на собраноста на умот и на чистотата на срцето.

Preminportal

Лето Господово 2012