„Како првини на природата, Засадителу на тварта, вселената Ти ги принесува, Господи, Твоите богоносни маченици. По нивните молитви, Многумилостиве, во длабок мир запази ја Црквата Твоја и народот Твој, преку Богородица“ (кондак на Недела на Сите Светии).
Во неделата после Педесетница го прославуваме споменот на Сите Светии, кои живееле по целиот свет. Сите овие светии се подвизавале заради Христос, а светата Црква ги празнува токму после слегувањето на Светиот Дух, за да покаже дека тие се осветени од Него и дека им е вратено поранешното ангелско достоинство.
На овој ден, 10.06.2012 година, света архиерејска Литургија беше отслужена во манастирот посветен на „Сите Светии“ во с. Лешани, Охридско, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение напротоереј Игор Никовски, еромонахот Вартоломеј Пројкоски, игумен на манастирот и ѓаконот Николче Ѓурѓиноски. Митрополитот Тимотеј му се обрати на многубројното верно стадо со пригодно слово, а по завршувањето на Литургијата, беше извршен чинот на Мал водосвет и беше прекршен празничниот колач. На крајот беше осветен и камен-темелникот за новиот параклис „Покров на Пресвета Богородица“. По молитвите на Сите Светии од сите векови, Господи Исусе Христе помилуј нè и спаси нè. Амин!
Извор: Дебарско- кичевска епархија
Светите маченици Акиндин, Пигасиј, Анемподист, Автониј, Елпидифор и другите со нив; Преподобен Маркијан Кирски; Светиот свештеномаченик Викторин, епископ Патавски;
