Скопје, 24 мај 2012 год.- храм на св.вмч. Димитриј
На 24 мај 2012 година, на празникот на Вознесението Христово- спасовден, во храмот на св.вмч. Димитриј во Скопје, протоереј Игор Калпаковски во присуство на верениот народ отслужи мало повечерие, и акатист на светиот великомаченик Димитриј молејќи го неговото застапство пред Бога. По извршувањето на чинот на петолебието, отец Игор произнесе кратка беседа.
Акатист на Светиот великомаченик, мироточив
Димитриј Солунски
(Извадок)
Кондак 2
Гледајќи се себе бездетна, твојата благочестива мајка и татко се молеа на Бога да им даде пород; а Севишниот примајќи ги нивните молитви, си спомна за милостините кои ги правеа на сиромашните и тебе блажен те дарува. Радосни поради тоа, тие во веселба Му воскликнуваа: Алилуја!
Икос 2
Имајќи божествен разум, како дарувано мудро чедо од Бога, ја презре измамата на идолопоклониците, родителската чесност ја засака и со добродетелите како лествица си растел од сила во сила, здобивајќи благодат Божја моли се и ние да ја добиеме, кои Те почитуваме и воскликнуваме:
Радувај се, молитвен изданок на благочестивите родители!
Радувај се, наследник на нивното благочестие!
Радувај се, ти кој многу ги расвесели кога се роди!
Радувај се, уште од утробата на мајката со благодат си бил осенет!
Радувај се, миомирисен крин на девството и чистотата!
Радувај се, осветен со душата и телото!
Радувај се, ризницо на Божјите дарови!
Радувај се, од младоста го презре служењето на идолите!
Радувај се, го засака вистинското Богопочитување до самата смрт!
Радувај се, со своето благочестие на Христа Му угоди!
Радувај се, со Неговата благодат многу плодови донесе!
Радувај се, свети Димитрије, славен великомачениче и чудотворче!
По молитвите на Твојот светител великомаченик Димитриј, Христе Боже наш, избави не и нас од неволјите што не притискаат, и помилуј не како единствен Човекољубец.
Друго:
Вознесение Христово во храмот на св.вмч. Димитриј, Скопје (24.05.2012)
Преминпортал
Лето Господово 2012
