Farmington Hills, USA - Во неделата на Раслабениот (6-ти Мај, 2012г.) кога воедно се прославуваше и Св. Вмч. Георгиј Победоносец, во домот Божји посветен на Св. Ѓоргиј Кратовски во Фармингтон Хилс –Мичиген, се отслужи Архиерејска Божествена литургија со која чинославуваше Неговото Високопреосвештенство Митрополитот Американско –канадски Методиј. На литургијата присуствуваа многумина наши верници, а особено таа беше збогатена со најмалите и најмили наши Христови следбеници. На крајот од Светата Литургија тие се причестија со светите Тајни Христови.
“Оставете ги децата да приоѓаат кај Мене
и не пречете им, зашто на такви е царството Божјо.
Вистина ви велам:
кој не го прима царството Божјо како дете,
тој нeма да влезе во него.”
И кога ги прегрна, ги положи рацете врз нив и ги благословуваше.
(Марко 10:14-15) “.
Аудио
Ереј Гоце Ефтимов
Извор:АКМПЕ
