Компас Скопје А.Д. е туристичка агенција од Скопје која датира уште од далечната 1965 година. Меѓу другото има и 20 годишна традиција во организирање на тури за светата земја Израел. Датумот на реализирање на програмата е од 21-ви до 28-ми ноември оваа година.  За уплата до 7-ми ноември, добивате попуст од 3000 мкд по лице.  ПОСТОИ МОЖНОСТ ЗА ПЛАЌАЊЕ И НА РАТИ.

ТЕЛ : 02 3 115 587 ФАКС :02 3 134 553

• е-пошта: Оваа е-адреса е заштитена од спамботови. Треба да ви е овозможено JavaScript за да ја видите.
• https://www.facebook.com/kompas.skopjead

И З Р А Е Л

Израел е остварување на еден сон, земја ветена од Господа на Аврам и неговите следбеници; наследство во кое децата на Израел беа водени од Мојсие по егзодусот од Египет, моќна Хибру нација под водсвото на Давид и Соломон; родно место на Исус Христос и колевка на три големи монотеистички религии; Израел е познат низ историјата во целиот свет како првобитен извор на Библијата.

НЕТАНИЈА

Се наоѓа во прекрасната и плодна долина Шарон и се смета за едно од најатрактивните летувалишта на Медитеранскиот брег. Тоа е град - градина со прекрасна блага клима и секогаш свеж медитерански ветрец. На 30 км. од Тел Авив, 110 км. од Галилеја, 95 км. од Ерусалим е идеално појдовно место за еднодневни екскурзии и посети на најзначајните места во Израел.

1 ден 21/11 СКОПЈЕ - ИСТАНБУЛ - ТЕЛ АВИВ

Собир на патниците на Скопскиот аеродром и лет за Истанбул во 11:30.Слетување во Истанбул во 13:50.Полетување за Тел Авив во 22:15 ч. Слетување на аеродромот Бен Гурион во 00:15. Пречек од локален водич. Патувањето го продолжуваме со автобус до Ерусалим. Сместување во хотел..

2 ден 22/11 ЕРУСАЛИМ – МРТВО МОРЕ- МАСАДА-КУМРАН

По појадокот, поаѓаме кон Мртво Море. Преку Јудејската пустина се спуштаме до местото Кумран каде се најдени најстарите познати кумрански ракописи.. Продолжуваме кон местото Масада каде со жичара ќе ги посетиме остатоците на Херодовата летна палата.. Оттука се упатуваме на брегот на Мртвото море на 400 м. под морската површина, за капење и релаксирање во водите на овој прекрасен природен феномен. Вечерно враќање во Ерусалим , вечера и ноќевање..

3 ден 23/11 ЕРУСАЛИМ

Денеска денот го посветуваме на разгледување на Ерусалим, кое го започнуваме од Маслиновата Гора, почетокот на Христовото последно патување кон Голгота. На Маслиновата Гора ќе ги видиме: местото на Вознесението Господово, Гециманската Градина со Базиликата на Агонијата, гробот на Пресвета Богородица и капелата на праведниот Јосиф. Продолжуваме во стариот дел од градот, по патот на страданието Христовио - Виа Долороса до црквата на Воскресението во која се наоѓа Христовиот гроб. Во попладневните часови одиме до Ционската Гора каде е салата на Тајната вечера, Црквата на Св. Петар, гробот на цар Давид, а ќе го видиме и Ѕидот на Плачот- најсветото место за Евреите..

4 ден 24/11 ЕРУСАЛИМ - ВИТЛЕЕМ - ТЕЛ АВИВ - НЕТАНИЈА

Во претпладневните часови патуваме преку граничен премин кон Витлеем кој се наоѓа на територијата на Палестина . Тука ќе ја посетиме црквата на Христовото раѓање и ќе ја допреме Исусовата ѕвезда . По враќањето од Витлеем, ќе го посетиме познатиот Музеј на Холокаустот - Јад Вашем. Потоа заминуваме од Ерусалим и се упатуваме кон стариот дел на Тел Авив - Јафо, првото и најстаро пристаниште во Израел. Продолжуваме со панорамско разгледување на Тел Авив, бизнис центар на Израел,познат по многубројните облакодери, хотели, прекрасни плажи и шеталишта. Ќе застанеме накратко на пазарот Кармел во Тел Авив. Ќе го посетиме и дијамантскиот центар, музеј и берза во Рамат Ган, каде ке се запознаеме со водечката извозна индустрија на Израел - обработката на дијаманти. Патот го продолжуваме кон Нетанија - прекрасен град лоциран на брегот на Средоземното море.

5 ден 25/11 НЕТАНИЈА – ЦЕЗАРЕА – АКО – ХАИФА - НЕТАНИЈА

Денеска се упатуваме кон север - кон градот Хаифа. Попатно ќе го посетиме стариот римски град и археолошки центар, седиште на римскиот император во Израел - Цезареа. Ќе ги посетиме хиподромот, најголемиот аквадукт во Израел од римскиот период, амфитеатарот и старите римски терми (бањи). Оттука заминуваме во посета на старото пристаниште Ако, едно од првите пристаништа во Израел , сега мало рибарско градче со голема историја. Седиште на познатиот Паша Ал Џезеира чиј наследник биле Сулејман Паша и Ибрахим Паша. Град со богата историја од времето на римјаните, крстоносните војни и отоманската империја. Ќе го видиме најголемиот Ан на Блискиот Исток , тврдината на Ал Џезеира и рибарскиот пазар. Оттука заминуваме за Хаифа каде ќе ги видиме прекрасните Бахајиски градини. Ќе застанеме на планината Кармел од каде ќе уживаме во прекрасниот поглед на најголемото Израелско пристаниште - Хаифа. Враќање во вечерните часови , вечера и ноќевање..

6 ден 26/11 НЕТАНИЈА - НАЗАРЕТ - ГАЛИЛЕЈА - НЕТАНИЈА

Во Назарет, градот на Христовото детство ќе ги посетиме: црквите на Благовештението, црквата Свети Архангел Гаврил изградена на природните извори на Пресвета Богородица и црквата Свети Јосиф.. На патот кон Тибериас поминуваме низ местото Кана Галилејска - местото на првото Христово чудо...

Околу Галилејското Море ќе ги посетиме светите места: Капернаум, местото каде живеел Свети Петар и од каде почнуваат Христовите проповеди, Табха - место на топлите извори каде Христос ги прави другите чуда (своите следбеници ги нахранува со пет леба и две риби), Гората на блаженствата, Светата река Јордан. Во вечерните часови се враќаме во Нетанија .

7 ден 27/11 НЕТАНИЈА

Денешниот ден е предвиден за одмор и релаксација на прекрасното Медитеранско крајбрежје. Слободен ден за прошетка по песочните плажи на Нетанија или до самиот град за шопинг или попладневно кафе во многубројни кафулиња. По вечерата следи свечено доделување на диплома за аџилак во светата земја.

8 ден 28/11 НЕТАНИЈА - ТЕЛ АВИВ - СКОПЈЕ

Утринско поаѓање кон аеродромот Бен Гурион и лет за Истанбул во 07:10. Слетување во Истанбул во 09:20 и полетување кон Скопје во 10:20. Пристигнување во Скопје во 10:50.

За уплата до 7-ми ноември, добивате попуст од 3000 мкд по лице

Во цената се вклучени следните услуги :

• Авионски превоз Скопје - Тел Авив - Скопје

• Трансфери аеродром - хотел - аеродром

• Сместување во хотел со три супериор звезди на база на 7 полупансиона во Ерусалим и Нетанија

• Превоз со модерен туристички автобус и посета на сите свети места според програмата

• Локален водич на српски јазик за време на целиот престој во Израел

• Влезни билети за посета на сите локалитети, цркви , манастири и музеи

• Посета на плажа на Мртво море

• Компасов преставник за време на патувањето

Во цената не се вклучени следните услуги :

 • Патничко осигурување за времетраење на програмата

• Аеродромски такси од 7200 ден.( таксите не се фиксни)

• Задолжителен бакшиш за водич и возач ( 30 ЕУР – 1800 Ден)

ВАЖАТ ОПШТИТЕ УСЛОВИ ЗА ПАТУВАЊЕ НА СКТМ

ИНФОРМАЦИИ И РЕЗЕРВАЦИИ ВО КОМПАС СКОПЈЕ А.Д.

ТЕЛ : 02 3 115 587   ФАКС : 02 3 134 553

• е-пошта: Оваа е-адреса е заштитена од спамботови. Треба да ви е овозможено JavaScript за да ја видите.
• https://www.facebook.com/kompas.skopjead  

Скопје, 01.11.2014 год.