На моштите на Св. кнез Владимир се поклонија околу 100 илјади верници
18 јуни 2015 лето Господово
Денес заврши првата маршрута на пренесувањето на моштите на Рамноапостолниот кнез Владимир низ градовите во Русија и Белорусија.206649.p.jpg Во рамките на првата маршрута, моштите пребиваа во 8 градови на територијата од епархиите на Руската Православна Црква. За тоа време на светињата можеа да се поклонат околу 100 илјади верници. Следната маршрута почнува на 21 јуни во Брест.
Потсетуваме дека носењето на моштите, кое се совпаѓа со големата прослава на 1000 – годишнината од упокојувањето на кнезот Владимир – Покрстителот на Русија, е иницирано од Руската Православна Црква и организирано од Фондот Св. Василиј Велики. Невиденото од ваква големина собитие започна на 27 мај во Тула и ќе заврши на 1 декември во Калининград.
Картата на пренесувањето на моштите е разделена на седум маршрути, во кои влегува Централна Русија, Поволжје, Кубан, Сибир, Далечниот Исток, а исто така и регионалните центри во Белорусија. Во глобала на светињата ќе можат да се поклонат жители од 45 градови во Русија и 5 градови во Белорусија. Првата маршрута опфати 8 градови од Централна Русија: Тула, Липецк, Тамбов, Воронеж, Губкин, Штигру, Курск и Брјанск.
Во рамките на следната, втората маршрута, моштите на Св. кнез Владимир ќе посетат шест градови: пет во Белорусија (Брест, Минск, Гродно, Могилев, Витебск) и еден во Русија (Смоленск). Веќе на 21 јуни кивотот со моштите ќе биде доставен во Брест.
Извор: Православие.ру
Преземено од: Бигорски манастир
