ЗОШТО УВОТО НА СВ.ЈОВАН ЗЛАТОУСТ Е НЕТЛЕНО

            Во светогорскиот манастир "Ватопед" се чува чесната глава на св. Јован Златоуст.
Едно од чудата поврзани со оваа светиња, во кое секој поклоник може сам да се увери е нетленоста на десното уво на светителот. Тоа е непроменетo со распаѓање и тоа се поврзува со една конкретна епизода од животот на светиот отец. Свети Јован Златоуст имал ученик - свети Прокло, кој подоцна станува патријарх цариградски. Тој додека бил негов ученик, му помагал и ги пречекувал посетителите кои доаѓале кај него.
           Еднаш еден големец бил наклеветен пред царот,и затоа бил сменет од функцијата и протеран од палатата. Тој побарал застапништво од св. Јован Златоуст и договориле ноќен час за посета, за да не биде забележана посетата. Кога големецот пристигнал, Прокло отишол да го повика св.Јован, се приближил до вратата, но однатре се слушнал разговорот. Во житието на свети Прокло се раскажува како тој бил збунет и се прашувал кој може да влезе без негово знаење. Ѕирнал во клучалката и видел дека зад св. Јован стои благовиден маж кој му диктира нешто, а тој пишува. Прокло рекол на големецот дека св. Јован сега е зафатен.
           Разговорот сепак продолжил сè до зори. Големец си отишол огорчен, без да биде примен од патријархот.
Утрото св. Јован Златоуст го запрашал својот помошник не е ли доаѓал еден големец да го бара. Прокло одговорил: - Да, доаѓаше, но јас не се осмелив да го пуштам, бидејќи со тебе разговараше некој друг речиси цела ноќ. - Со кого сум разговарал? - се изненадил се свети Јован - Никој не е доаѓал кај мене оваа ноќ.
           Прокло му го опишал изгледот на човекот, како тој стоел блиску до него и му зборувал нешто на уво. Потоа, кога ја погледнал иконата на свети апостол Павле, која била на ѕидот, и рекол: - Еве, овој беше човекот кој беше кај тебе ноќеска! Самиот св. Ап. Павле се јавувал ноќно време на св. Јован Златоуст и му ги појаснувал посланијата свои, кои во тоа време Светителот ги толкувал и запишувал

Православие.Мк †