Скопје, 25 ноември 2011 год.- храм на св. Петка, н. Црниче
Во дваесет и третата недела по Педесeтница, кога во Светата Црква го празнува споменот на свети Јован Милостив; Преподобен Нил Синајски; Преподобен Нил Мироточив, во храмот посветен на св.Петка во населбата Црниче, во Скопје, отец Зоран Данев отслужи Божествена Литургија . На Литургијата верниот народ се причести со Светите Христови Тајни.
Преподобен Григориј Палама
О Божествена Дево! Како да Те прославам Тебе, Која Си ризница на славата? Тие што се сеќаваат на Тебе се осветуваат само спомнувајќи Те, на тие што се устремуваат кон Тебе умот им бива просветлен, зашто се вознел кон Божествените висини; со Тебе се просветлува духовното око, и Духот Божествен со Тебе слегува и го просветлува срцето на човекот, зашто Управителка на сите благодатни дарови Си, Која не за Себе ги чува, а сета вселена со благодат ита да ја преисполни. На неисцрпните богатства Управителот им е назначен само за да ги распореди. Та кој би го чувал богатството што не може да биде намалено? Затоа, Владичице, подај ни ги изобилно оние блага, а ако ние се покажеме недостојни да ги примиме, направи нѐ подготвени и за нас Сама одмери ги, зашто во Твоите раце сѐ Ти е предадено...
Преминпортал
Лето Господово 2011
