БИЗНИСОТ, ЦРКВАТА И ДРЖАВАТА ЌЕ БИРААТ ...?

Поглаварот на Македонската Православна Црква, г.г. Стефан остава простор да се разговара за промена на календарот. Иако неговиот личен став е дека на христијанството му е потребен единствен, веројатно трет календар, сепак тој вчера начелно го прифати предлогот на бизнис заедницата за ова прашање да се отвори поширока дебата. Секоја година пред Божик, во јавноста се поставува прашањето дали Македонија треба да го прифати новиот Грегоријански календар и да ги усогласи празниците заедно со европските држави. Ако досега тоа главно го поставуваа медумите и поединци, овој пат тоа пршање доби официјален предлог. Сојузот на Стопански комори побара заедно со Владата и црквата да седнат и да најдат начини како да се реши ова прашање.

Архиепископот г.г. Стефан вели дека пред 30 години ова прашање било разгледувано на црковните тела, но надвладеал ставот дека МПЦ треба да остане да ги слави празниците според стариот Јулијански календар.

- Прашањето од бизнис заедницата е интересно прашање заради бизнис релациите со западниот свет. Инаку, календарот не е догматско прашање, бидејќи православните цркви денес се поделени по ова прашање, некои слават по Јулијанскиот, а други по Грегоријанскиот календар. Веројатно ова прашање ќе дојде на дневен ред на Светиот архиерејски синод, но кога јас би се прашал, би посакал заеднички календар за сите хријански цркви, вели архиепископт г.г. Стефан, нагласувајќи дека е добро за ова прашање да се дискутира.
Претседателот на Сојузот на стопански комори, завчера на премиерот Никола Груевски му соопшти дека бизнис елитата има потреба од услогласување на празниците по единствен календар.

- Македонија ги слави христијанските празници во исто време само со уште неколку држави, кои се надвор од Европската унија и се надевам дека за ова ќе разговараме со Владата и Црквата, вели Венко Глигоров, претседател на Сојузот на стопански комори.
Во Владата пак велат дека сите предлози добиени од Сојузот на стопански комори ќе ги разгледаат, но за календарот велат дека е црковно прашање во кое главниот збор ќе го има црквата.

Македонија заедно со Русија, Србија, и дел од Грција и Света Гора, го практикуваат Јулијанскиот календар. Останатите православни цркви, меѓу кои од пред десетина години е и Бугарската православна црква, празнуваат по Грегоријанскиот календар. Историските искуства покажаа дека речиси во сите држави каде се изврши промена на календарот се појавија нови црковни расколи. Класичен пример е Грција.

Науката без теологијата е саката!

Православниот богословски факултет "Св. Климент Охридски" вчера прослави 30 години од своето постоење. Во овие три децении од клупите на овој факултет излегоа најголемиот број кадри кои ја градеа независноста и афтокефалноста на Македонската православна црква. Деканот, проф. д-р Ратомир Грозданоски, вели дека Богословскиот факултет одиграл заначајна улога во нестабилните времиња на Македонската црква. Дури седуммина од актуелните членови на САС на МПЦ, дипломирале на овој факултет. Факултетот својата иднина ја гледа во воведувањето на верското образование, но и во конечното интегрирање во составот на државниот универзитет "Св. Кирил и Методиј".

- Теологијата мора да биде составен дел од Универзитетот, затоа што науката и теологијата се заемно поврзани. Теологијата без науката е слепа, а науката без теологијата е саката, вели проф, д-р Ратомир Грозданоски, декан на Богословскиот факултет.

Марјан Николовски - Вечер

Прашања од читателите на Преминпортал:

Име: јован
Email: j.petrovski@yahoo.com
Прашање: Кој има право да го менува календарот. Зарем бизнисмените и Архиепископот знаат повеќе од нашите свети отци кои го востановиле овој календар. ДА не спомнувам под каков притисок биле променети календарите на останатите православни цркви. Календарот не е догма но притисок вршат католиците со цел да се оствари нивниот сон единство со православието без покајание, е за тоа малце ќе почекаат. Кој сака единство со православието одговорот е едноставен нека премине во православие. И да му порачате на Архиепископот дека како што нема да има промена на името Македонија нека не се осудува да помисли за промена на календарот. Зарем русите и србите и ние сме глупи и назадни. Бизнисмените ако сакаат нека си ја продаваат верата и календарот ама црквата нема да дозволи некои лаици да и кажуваат што да прави а уште помалку ќе дозволат Архиепископот да го стори тоа. Секое добро.

Име: Т
Email: zlatanovska@gmail.com
Прашање: Во врска со инцицијативата за менуванје на календарот.

Како православни христијани основен двигател за се што правиме треба да ни биде распнатиот заради нас Господ Исус Христос. Календарот можеби и не е догматско прашање, меѓутоа во неговото менување заради „ "бизнис релазиите со западниот свет“, како што рече Архиепископот, не гледам обид да му се угоди на Христа, туку на финансиските амбиции на поединци. Така, менувањето само по себе можеби не е нарушување на догмите, меѓутоа менуванјето заради финансиска добивка... А да не зборам дека во времето кога Христијанството ги давало своите најголеми светители, маченици, учители, се користел Јулијанскиот календар.

Второ, не можам да разберам зошто сегашниот календар толку многу им пречи на бизнисмените. Ние работиме дури западот слави, и во тоа не гледам никаква препрека или пропуштена бизнис прилика за нашите фирми. А кога ние славиме, неработен е еден ден, и тоа во период кога бизнис активностите на целиот запад значајно стагнираат и настапува финансиски најнеповолниот период за секоја фирма поради значајно намалената продажба, со мали исклучоци во некои индустрии.

Што ќе се случесе ако на 7-ми Јануари се паднеше денот на независноста на Македонија, дали ќе се бунеа бизнисмените?? Најверојатно не, ама кога е верата во прашање сакаме да бидеме„"флексибилни“. :(

Се надевам дека МПЦ нема да го смени календарот. А ако го сменат, со тешко срце, ама сепак ќе ја имаат мојата послушност. Расколот и непослушноста се најлоши од се!!

Христос посреди нас!

Посети:{moshits}