Богослужби во Чикаго во чест на празникот на св. Параскева

ПОКАНА

По повод Славата на нашата Црква “Св. Параскева – Римјанка”, Ве покануваме сите Вас со своите најмили, познати и пријатели да не удостоите со Вашето присуство на долунаведените Богослужби и свечености:

- ПРАЗНИЧНА ЛИТУРГИЈА, во Недела, 6-ти Август, со почеток во 10.00 часот, проследена со ВОДОСВЕТ, благословување на пченица (коливо), благословување и сечење на празничен колач и избор на нов кум на нашата црква. По Литургијата ќе имаме заеднички празничен ручек.

- БДЕНИЕ во чест на Св. Петка, кое ќе се одржи вечерта на 07-ми Август (Недела), со почеток во 18.00 часот. На оваа служба ќе има и помазување со чудотворно масло од Св. Параскева. По службата ќе имаме заедничка вечера.

- СВЕТА ЛИТУРГИЈА, која ќе се одржи на самиот ден на Светителката, 08-ми Август (Понеделник) со почеток во 9.30 часот.

Чест и радост ни е да Ве информираме и дека на БДЕНИЕТО и Светата Литургија (7-ми и 8-ми Август) во нашата Црква ќе бидат присутни ЧЕСТНИТЕ МОШТИ на Светата Параскева, кои по благослов на Рускиот епископ Петар ќе бидат донесени од нашата сестринска Руска Црква „Покров на Пресвета Богородица“ од Дес Плеинс. Исто така, како и на минатогодишните Бденија, и оваа година, на БДЕНИЕТО, нашиот хор ќе биде обогатен со членови на АРХИЕРЕЈСКИОТ ХОР на Руската Црква. На овој линк http://preminportal.com.mk/content/view/4644/151/ можете да видите колку убаво звучеше хорот минатите години и колку торжествени беа нашите Богослужби!
Еве и неколку линкови од нашите незаборавни минатогодишни празнувања!

Славата на една Црква е нејзин втор Велигден! Се надеваме дека ќе не израдувате со Вашето присуство на горенаведените празнувања!