СВЕТО КРШЕНИЕ НА АНА ЃУРОВСКА ОД АРХИЕПИСКОПОТ Г.Г.СТЕФАН

Во крстилницата на храмот Рождество на Пресвета Богородица, во Скопје,  на 19.03.2011 година Свето Крштение од Поглаварот на МПЦ г.г. Стефан прими Ана Ѓуровска. Со чинот на Светата чиноначалствуваше Архиепископот г.г.Стефан во присуство на повеќе свештенослужители. По светото Миропомазание и пострижување Архиепископот г.г.Стефан имаше свое обраќање во кое на почетокот го искажа своето задоволство и радоста за МПЦ што со крштевањето на Божјото чедо  Ана  се доби уште еден член на големото православно христијанско семејство. Од негова страна беше упатен повик да се продолжи со раѓањето на нови рожби, со што ќе се даде голем придонес кон наталитетот на македонскиот народ и припадниците на православната христијанска религија.

Тајната на нашето соединување со Бога, Тајната на простувањето на гревовите, и дарот на новиот живот на луѓето во Христа се извршува со крштевање во вода. Водата сама по себе нема некое значење, таа е просто симбол. Но кога ќе се освети, т. е. кога ќе се исполни со Светиот Дух, таа добива сила  Христова и во неа човекот вистински се соединува со Христа и целиот со душата и телото се обновува за нов живот.

 Лето Господово 2011