Петок

Свети Јован Богослов пишува: Многу измамници излегоа во светот, кои не го признаваат Исус Христос дека дојде во телото (2.Јн.7). Така беше во неговото време. Сега, пак, дојдоа  во светот измамници  кој го исповедаат Исус Христос дека дојде во тело, но заради тоа  не се помалку измамници  и антихристи (ст.7). Со тоа се започна од  време на Ариј, а со тоа  се  оди се до сега. Но, старите повеќе се сопнуваа  на догмата за Личноста на Исус Христос, нашиот Спасител, додека од времето на Лутер започнаа да се  сопнуваат на учењето  за спасението  во Него. И колкумина се јавиа такви?! И во нашите денови  се јавиа измамници и антихристи, кои објаснуваат дека е „доволна само верата“. Ништо повеќе не треба- ниту Црква, ниту Тајни, ниту  свештеници. И тие кои ја започнуваат  својата лага од  Господ Исус Христос и спасението во Него. Но, бидејќи се криво  толкуваат, антихристите   подлежат на проклетство. Пазете се од нив. Секој кој престапува  и не останува во учењето на Христос, тој го нема  Бога (2.Јн.9). И тие не го имаат, бидејќи го  немаат учењето Христово. Тоа  учење е во Црквата, а  тие се оддалечиле   од Црквата. Само оние кои ја следат Црквата го имаат учењето Христово и во Него пребиваат. Поради тоа и  го имаат  Христос, Синот Божји, и Бог Отецот (ст.9). А тие немаат, иако и   тврдат дека го имаат. Не ги примајте таквите, и не се поздравувајте  со нив (ст.10).

Св. Теофан Затворник - МИСЛИ ЗА СЕКОЈ ДЕН ВО ГОДИНАТА

Извор: СВЕТОСАВЉЕ

Друго: