Успение на Пресвета Богородица-Лос Ангелес
Во 15-та недела по Педесетница, кога Светата Црква го празнува празникот на Св.мц. Созонт, а во предвечерието на големиот христијански празник Рааѓање е на Пресвета Богородица, веднаш по завршувањето на Светата Божествена Литургија, се одслужи призив на Светиот Дух за новата учебна 2009/10 година. Учениците од неделното училиште при нашата црковна општина заедно со нивните наставници го примија благословот Божји за да можат полесно и по полезно да го разбираат тоа што го изучуваат.
Ја користиме оваа прилика на сите православни христијани да им го честитаме празникот на Раѓањето на Пресвета Богородица и да им посакаме мир и љубов во Господа, а Мајката Божја да не чува под нејзина закрила.
За ПреминПортал од Лос Ангелес: Отец Ристо Ристовски
