Лос Ангелес
Прва недела од Петровденските пости

“Врви по мене” . Оваа порака како да одекна во срцата на македонскиот народ кој живее во С.А.Д во градот Лос Ангелес, кој ја исполни црквата до последно место. Причина повеќе да биде вака е и гостувањето на женскиот хор Света Злата Мегленска.
Со нивното ангелско пеењје, не изостанаа и солзите по образите на присутните, кои се насладуваа на духовната храна со единствено може да им ја даде Мајката Црква. Ова се случува за прв пат од постоењето на оваа црковна општина од 1982 год.
Веднаш по богослужбата, радоста продолжи и во салата каде што со духовни песнопенија ги разгалија душте и срцата на многубројните посетители.
Со надеж дека ова нема да биде и последна посета, на крај, хорот предводен од истакнатата диригентка Летка Димовска Полизова од присутните се збогува со песнопението Многаја лета.

 За Преминпортал од Лос Ангелес: о. Ристо Ристовски