Денес, кога Светата Црква го слави на споменот на светиот пророк Захарија, светиот великомачник Теодор Стратилат и свети Сава , во храмот на св. Петка во Скопје, се отслужи Божесвена Литургија. На Литургијата верниот народ се причести со Светите Христови Тајни.
Стихови:
Не спомнувај ги гревовите на умрените, Слове,
Твоето милостиво срце да не држи лутина.
Во овој ден божествените оци озаконија да се прави помен на сите од века благочестиво упокоени луѓе, од следниве причини: прво, бидејќи има луѓе кои предвреме се упокоиле во туѓина, во мориња и непроодни гори, стрмнини и јами, во несреќи и од глад, пожари, ледови, бури и мразеви, и претрпеа и други видови смрт, како и други луѓе сиромашни и немоќни кои не биле придружени со потребните црковни молитви, божествените оци, научени од свештените апостоли, и движени од човекољубие, определија соборно да се прави заеднички помен, покажувајќи со тоа дека починатите имаат полза од молитвеното посредување на Црквата.
Второ, бидејќи наредниот ден (недела) е посветен на Второто Христово пришествие, погодно е да се прави помен и за душите на починатите, молејќи Го страшниот Судија да биде милостив кон нив. Во оваа недела се потсетуваме и на изгонувањето Адамово од рајот. Споменувањето на Страшниот суд има уште за цел да ни ја претстави сликата на Судот, за да покаже дека постот е богоугодно дело. Во сабота правиме помен за душите уште и затоа што сабота на еврејски значи покој, одмор. Оттука и секоја сабота е ден определен за спомнување на умрените, а во оваа сабота, пак, правиме заеднички (соборно) помен, молејќи се за секој благочестив. Затоа божествените отци, знаејќи дека правењето помени за умрените, односно милостините и службите, донесува големо олеснување и полза, откако го примиле тоа од апостолите, ова и го довериле на Црквата.
У покој ги, Христе, сите верни кои умреле со Божја закана, од смртоносни громови, земјотреси и морски бранови.
Упокој ги, Боже, верните што си ги примил на секоја возраст: старци и млади, младинци и деца, доенчиња, машко и женско.
Оние што умреа од отровни рани, проголтани од змии, згазени од коњи, задавени од соседи, кои со вера Ти послужија, упокој ги.
Сите по име, кои со вера умреле од векови и од поколенија, удостој ги, Слове, неосудено да застанат пред Тебе, при Твоето пришествие.
Слава: троичен: Боже, Кој си еден во Троица, непрестајно Те славиме; иако Секој е Бог, но еден е по природа, Отецот и Синот и Духот, со трисветли својства.
Посети: {moshits}
