На 26.10.2008 година  во Загреб, Република Хрватска, Митрополитот Европски г. Пимен отслужи Божествена Литургија во чест и спомен на светата маченичка Злата Мегленска, а по повод патрониот празник на истоимената МПЦО од Загреб, во сослужение на парохискиот свештеник, протоереј Кирко Велински. На Литургијата активно учество зеде и  ѓакон Спасе Таковски, професор во Македонската православна богословија „Свети Климент Охридски“, како и Женскиот младински хор Менада од Тетово, кој работи под диригентската палка на маестро Ивица Зориќ.

 По повод патрониот празник на Македонската православна црковна општина „Света Злата Мегленска“ од Загреб, Република Хрватска, по Литургијата се одржа средба  со загребските  фанови на Тоше, помеѓу останатите  и со познатиот  композиторо, и големиот пријател на покојниот наш Тоше, Мирослав Рус.

Свечена духовна академија во Загреб (25.10.2008)

На 25.10.2008 година по повод патрониот празник на Македонската православна црковна општина „Света Злата Мегленска“ од Загреб, Република Хрватска, се одржа духовна академија во присуство на голем број верници, на која поздравно слово искажаа: надлежниот епархиски архиереј, Митрополитот европски, г. Пимен; парохискиот свештеник протоереј Кирко Велински, потпретседателот на МПЦО „Света Злата Мегленска“, Советникот за култура на градоначалникот на град Загреб, како и претставници на други институции во Република Хрватска. Посебно беше задоволството да се проследи настапот на гостите од Република Македонија, дел од Женскиот младински хор „МЕНАДА“ од Тетово, под диригентската палка на маестро Ивица Зориќ.

Известува:

                                                            Од кабинетот на Митрополитот Европски
                                                                                  Антоние Попоски

Посети: {moshits}