логоFacebook  Twitter  YouTube  eMail

Кожувчанка

 Iljadaletie-Bigorski-Manastir-6

 06 октомври/19 октомври 2020 лето Господово

Iljadaletie-Bigorski-Manastir-7

     Ретки се годишнините и јубилеите коишто одбележуваат не само одреден настан, процес или збиднување, туку во себе носат и цивилизациска порака, говорат за раѓањето на една цела култура, прославуваат општ духовно-историски образувачки континуитет. А особено ретки се оние годишнини, коишто, покрај сето ова, го пренесуваат и гласот од вечноста, од Царството на Божјата љубов и вистина, глас што повикува на покајание, на преумување, на духовно будење и обожение.
    Епископ г. Партениј, Игумен на Свештената Бигорска Обител,
    (извадок од предговорот за книгата „Иконата на Бистра – закрилник на Православието“)

 Iljadaletie-Bigorski-Manastir-11

<a href=

   Божјата семудра промисла денеска го удостои нашето поколение да биде сведок на едно ретко историско собите. Денес Свештената Бигорска Обител, духовното око на нашиот народ, срцето на нашата духовност, вековитиот светилник којшто им го осветлувал патот кон убавото и возвишеното на генерации и генерации, иконата на Христовата светлина – го слави своето илјадалетие! Се чини дека нема доволно зборови со коишто би можело да се опише значењето и величието на денешниот настан, но за него најдобро ќе посведочи историјата што се испиша во овој неделен, воскресенски ден. А, „овој ден“, ќе нагласи нашиот возљубен старец и игумен, Епископот г. Партениј, во своето вдахновено слово во навечерието, „претставува, всушност, оцртување и заглавие на илјада години живот и сведоштво, и на подвиг и жртва на оваа свештена Скинија на Чесниот Претеча и Крстител Јован и го заокружува смиреното постигнување на нашата свештена монашка заедница. Стоејќи со восхит и благоговение пред оваа величествена годишнина, нашите срца се исполнуваат со благодарност и со должна почит кон нашите благочестиви претшественици, кон починатите отци и браќа наши, коишто во своите срца го запишале Словото на Вистината и ни оставиле образец на вистински живот и неспоредливо наследство“.

Сведоци на духовното благолепие и торжество беа илјадници души – не само физички присутните во Манастирот гости, туку, многу повеќе, оние коишто духовно беа со нас и го следеа настанот на телевизискиот канал на МТВ и нашите Фејсбук и Јутуб профили. А меѓу присутните, распределени во манастирскиот двор и неговата околина според мерките за заштита наложени од државните и здравствени власти, беа: покровителот на прославата, Претседателот г. Стево Пендаровски, членови на дипломатскиот кор во земјава, претставници од општествениот, културниот, научниот и политичкиот живот, верници и пријатели. Посебна радост за нас беше тоа што и покрај строгите и комплицирани меѓународни мерки, за прослава на јубилејот допатуваа наши скапоцени гости од повеќе земји: Албанија, Америка, Англија, Бугарија, Германија, Грција, Полска, Србија и Шведска.

Божествената Евхаристија, отслужена на отворено, во манастирскиот двор, на посебно изготвена и украсена бина, со чиноначалството на нашиот почитуван Архиепископ г. г. Стефан и во сослужение со архијереите од Свештениот Синод на МПЦ-ОА, претставуваше вистинска духовна наслада за секоја богољубива душа и литургиски печат на илјадагодишната бигорска повест.

А како благодарност за архипастирските молитви и поддршката за синодската прослава на бигорското илјадалетие, нашиот старец и игумен, владиката Партениј го одликува Архиепископот г. г. Стефан со највисокото милениумско одликување на Бигорскиот Манастир – лента со ѕвезда и крст со ликот на Чесниот Претеча. Од своја страна, пак, Архиепископот му подари на денешното славје едно прекрасно вдахновено слово за денешното историско собитие, за бигорското минато, но и совремие.

Историски, државнички говор, со длабока теолошка содржина и моќна порака за иднината, одржа и покровителот на милениумската прославата, Претседателот г. Стево Пендаровски, на радост и воодушевување на свештениот клир и верниците.

Од името на нашата монашка заедница се обрати јеромонахот Доситеј, кој на нашиот старец и владика му подари архијерејски енколпии, во знак на илјадагодишнината на Бигорски.

Најтрогателното слово, пак, дојде од стотиците срца коишто на некој начин биле повикани да Го спознаат Христа на ова свето место, да се исцелат од погубните страсти и пороци и да се пронајдат себеси во благодатниот живот на Црквата Христова. Тие, кои се нераскинлив дел од нашето семејство, дел од срцето на нашиот Старец, владиката Партениј, и од срцата на сите монаси и монахињи од нашата монашка заедница, проговорија денес преку растреперениот глас на г. Атанас Цветковски.

Во продолжение следуваше доделувањето на бигорското одличие, орденот „Претеча“ во три реда, на личности и организации, коишто дале значителен придонес за благолепието на Свештената Бигорска Обител и за благоуспевањето на нејзината евангелска мисија. Лауреатите на ордените, заедно со добитниците на истите во 2015 година, се вброија во редот „Претеча“ на Бигорскиот Манастир.

Освен ордените „Претеча“, заради особената помош и поддршка на севкупното дело што го врши нашето братство, Бигорскиот Манастир им додели благодарница на повеќе личности и организации.

Културно-уметнички украс на денешното славословие додадоа членовите на Ансамблот „Македонија“, долгогодишни пријатели на Бигорската Обител.

Накрај, срдечно им се заблагодаруваме на сите што несебично се вложија себеси за организацијата и за успешното спроведување на големата милениумска прослава. Истовремено бараме прошка од сите, што денеска, не по наша волја, туку според државниот протокол, влезот во Манастирот, кој вообичаено секогаш е отворен за секој посетител, мораше да биде ограничен. Токму поради тоа се погриживме богослужбата и свечената програма да бидат емитувани во живо на три видео-екрани во манастирскиот комплекс, од кои едниот беше поставен на манастирскиот паркинг, каде што имаше доволен простор за сите што не беа во можност да влезат во Манастирот.

Iljadaletie-Bigorski-Manastir-24

    А сега, да торжествуваме духовно, зашто „ова е денот што го создаде Господ, за да се зарадуваме и да се развеселиме во него“ (Пс. 118,24). Да прославуваме и да се радуваме заедно со знајните и незнајни светии што го осветиле ова место и да Му благодариме на Троединиот Бог и на Свети Јован Претеча и Крстител што нè удостоија во наше време оваа Света Обител да го одбележи своето илјадалетие. Историјата што се пишува денес, од нас бара залог да го продолжиме милениумското светоотечкото течение, та и ние, последните, да се удостоиме да се впишеме во славната бигорска повест и, со Божјата помош, да оставиме добри плодови за идните генерации населници и подвижници. А патронот на Свештената Обител, Чесниот Претеча, нека ја сочува здрава, неповредена и славна до крајот на вековите!
    Епископ Партениј, Игумен на Свештената Бигорска Обител

 

Iljadaletie-Bigorski-Manastir-15

 Iljadaletie-Bigorski-Manastir-16

 Iljadaletie-Bigorski-Manastir-17

 Iljadaletie-Bigorski-Manastir-18

 Iljadaletie-Bigorski-Manastir-26

 Iljadaletie-Bigorski-Manastir-35

 Iljadaletie-Bigorski-Manastir-40

 Iljadaletie-Bigorski-Manastir-60

Iljadaletie-Bigorski-Manastir-61

 Iljadaletie-Bigorski-Manastir-62

 Iljadaletie-Bigorski-Manastir-66

 Iljadaletie-Bigorski-Manastir-74

 Iljadaletie-Bigorski-Manastir-80

 Iljadaletie-Bigorski-Manastir-90

 Iljadaletie-Bigorski-Manastir-116

 

 

 ПОВЕЌЕ:

https://bigorski.org.mk/wp-content/gallery/69809-2020-iljadaletieslava/Iljadaletie-Bigorski-Manastir-14.jpg" width="772" height="514" class="shrinkToFit" />

 

 

 



dobrotoljubie

Поуки од Светите Отци

Видео содржини

dobrotoljubie

Беседи

 Митрополит Струмички Наум: Недела на слепородениот

Митрополит Струмички Наум: Недела на слепородениот

Се случија две средби помеѓу слепородениот и Христос: првата додека уште беше слеп; и втората, откако прогледа и откако Го оправда Христос пред фарисеите. И фарисеите двапати се сретнаа со...

Митрополит Струмички Наум: „Литургијата и на почетокот била Тајна Вечера, а не јавен доручек.“

Митрополит Струмички Наум: „Литургијата и на почетокот била Тајна Вечера, а не јавен доручек.“

       Така, како што веќе напишав: ниту почетокот, ниту крајот на начинот на служењето на Светата Литургија се и ќе бидат исти со денешниот – ниту некој Собор ја прогласил за...

Отец Гаврил-Беседа за Св.Методиј и Св.Кирил

Отец Гаврил-Беседа за Св.Методиј и Св.Кирил

Тогаш сфатил дека не треба да се врзува за ништо световно, и дека треба да живее единствено за Царството Небесно, односно за Бога. И навистина се оддал на богоугоден живот,...

Жарко Ѓорѓиевски: Свети апостоли Јасон и Сосинатар (Недела на раслабениот)

Жарко Ѓорѓиевски: Свети апостоли Јасон и Сосинатар (Недела на раслабениот)

Eвангелската приказна за исцелувањето на болниот човек кој поголемиот дел од својот живот беспомошно лежел покрај бањата која ја опишал светиот апостол и евангелист Јован е пример на чисто милосрдие...

Митрополит Струмички Наум: Христијанин без срце кое гори во молитва...

Митрополит Струмички Наум: Христијанин без срце кое гори во молитва...

Ако Божјите информации што доаѓаат од словото на духовниот отец, од Светото Писмо, од делата на Светите отци ги прифаќаме само на ниво на разум, без да ги прифатиме во...

Митрополит Струмички Наум: Сѐ е информација, на почетокот од сè е информацијата – Ипостасното Слово Божјо

Митрополит Струмички Наум: Сѐ е информација, на почетокот од сè е информацијата – Ипостасното Слово Божјо

Ние самите себе се осудуваме, ако со своите дела отпаднеме од Оној преку кого сме создадени и Кој е смисла на нашето постоење, од Богочовекот Христос. Сѐ е информација, нашиот...

Божествена Литургија со монашење во манастирот „Пресвета Богородица Елеуса“ во Велјуса.

Божествена Литургија со монашење во манастирот „Пресвета Богородица Елеуса“ во Велјуса.

Во деновиве во кои, согласно светите Канони, се причестуваме секој ден, сакам да ве потсетам на една димензија од оваа Света Тајна која како да е малку подзаборавена. Сите знаеме...

БEСEДА за ужасoт на прирoдата при смртта на Гoспoда

БEСEДА за ужасoт на прирoдата при смртта на Гoспoда

И зeмјата сe затрeсe и карпи паднаа (Мт. 27:51). O какoв страшeн укoр на луѓeтo! И мртвата прирoда Гo пoзнала Oнoј Кoгo луѓeтo нe мoжeлe да Гo пoзнаат. Сeта нeма...

« »

Православен календар

 

29/05/2025 - четврток

Вознесение Христово – Спасовден; Преподобен Теодор Осветен; Блажената девица Муза; Свети Никола Мистик, патријарх Цариградски; Светиот новомаченик Николај; Преподобните маченици Саваити;

Правила и одредби на Православната Црква за постот
Православен календар за овој месец - МПЦ

Кожувчанка

Молитви кон Пресвета Богородица за секој ден во седмицата

 Радувај се, Ти Која од ангелот ја прими радоста на добрата вест дека Бог Слово ќе прими тело од Тебе! Радувај се оти го носеше Создателот во Твојата утроба! Радувај се Ти Која го роди Бога во тело, Спасителот на светот! Повеќе...

Тропар

Тропар на светиот слуга Христов Епифаниј Кипарски  25 мај/ 12 мај 2025

Тропар на светиот слуга Христов Епифаниј Кипарски 25 мај/ 12 мај 2025

Ливан ја залеа со мириси, патеката на твојот живот,о голем столбу на православието, ревноста по Христа ја привлече благодатта,и со...

Тропар на светите рамноапостолни Методиј и Кирил словенски  учители 24/11 мај 2025

Тропар на светите рамноапостолни Методиј и Кирил словенски учители 24/11 мај 2025

Рамноапостолни  учители на словенските земји,богомудри Кириле и Методие,Владиката на сите молете Го,да ги утврди сите словенски народи

 Тропар на преносот на моштите на светиот Христов чудотворец Николај Мирликијски 22/05/2025

Тропар на преносот на моштите на светиот Христов чудотворец Николај Мирликијски 22/05/2025

 Велики угодниче Божји, Николае свети,чии молитви нѐ закрилуваат нас коипловиме по морето на овој живот.

Духовната убавина на Богородица се пројавува и во моментот на Распнувањето на Нејзиниот Син

Тебе, Богородице поборнице – војвотко, ние слугите Твои, откако се избавивме од зло, Ти пееме победни и благодарствени песни. Ти имаш сила непобедна, од секакви опасности ослободи не за да Ти пееме : Радуј се, Невесто Неневесна! Повеќе...

Болестите според светоотечкото учење

Значи, не се надевај на лекарска вештина без благодат и не ја отфрлај своеволно, туку моли Го Бога да ја спознаеш причината за казната, а потоа моли за избавување од немоќта, трпејќи сечење, горење, горчливи лекови и сите лекарски казни Повеќе...

Свети Лука Симтерополски: Архиепископ и хирург

Едноставно е да се претпостави дека професорот – епископ, соединувајќи го во своите раце крстот и скалпелот, ги порази современиците токму со тоа необично соединување на двете разновидни сфери на активност.  Повеќе...

Духовни поуки: „Помоли се за мене“

Со Бога зборувај многу, а со луѓето малку; ако во Божјиот закон се подучуваш - ќе успееш и во едното и во другото. Повеќе...

Живот без стрес

Ако разбереме што се крие зад стресот, ако ја видиме лагата, која што се крие зад него, на крајот ќе увидиме дека не постои причина за да бидеме во стрес.. Повеќе...

Митрополит Струмички Наум - Да пораснеме барем до Стариот Завет

И не само што немаат туку се и очигледна пречка за влез во Царството Небесно, и пречка да се сфати и пренесе неговата идеја и порака. Повеќе...

Епископ Тихон Шевкунов: „НЕСВЕТИ, А СВЕТИ“

Несвети, а свети. Луѓе, кои навидум живееле во нашето секојдневие, се соочувале со проблемите со кои ние се судираме, боледувале од болести од кои ние боледуваме, често осудувани од околината, а сепак, не биле секојдневни. Луѓе, кои не се на иконите, но го предавале животот од иконите во сите нивни дела, зборови, мисли. Луѓе, за кои тишината прозборила дека се свети.  Повеќе...

ГОЛЕМАТА ТАЈНА НА ДИВЕЕВО - Кој ќе доживее, ќе види

Како дополнување на оваа тајна, еве што слушнав од устата на 84-годишната игуманија на манастирот Дивеево, Марија. Бев кај неа во почетокот на 1903 година веднаш по канонизирањето на преподобниот Серафим и заминувањето на царското семејство од Дивеево. Повеќе...

Арх. Калиник Мавролеон: Монологот БОЖЈИ

 

Те гледав кога се разбуди угрово. Чекав да ми кажеш два-три збора, да се заблагодариш за се што ти се случува, да побараш мое мислење за се што треба да правиш денес. Повеќе...

За Моето име

Поуки на грузискиот Старец Гаврил Ургебадзе за последните времиња

 

„Ѓаволот има 666 мрежи. Во времето на антихристот луѓето ќе очекуваат спасение од космосот. Тоа ќе биде и најголемата замка на ѓаволот: човештвот ќе бара помош од вонземјаните, не знаејќи дека тоа се, всушност. – демони.“ Повеќе...

Взбранной Воеводе победительная