Духовден

Да се биде Христијанин во денешно време воопшто не е така едноставно и наивно како што можеби ќе ни се причини во припратата на црквата. Дарот на верата што ни се дава одозгора како знак на бескрајната љубов на Бог кон сето создание, е просто одговор за смислата на постоењето, фластер на раната на човештвото, повторно воспоставување врска со суштината. Потсетување на себеси. Извлекување од заборавот на инертното живеење.

И најнакрај, присуство на Светиот Дух, Оној што на нашиот дух му сведочи дека сме деца Божји (Рим. 8, 16). Овој Дух се симна врз апостолите на денот на светата Педесетница, и оттогаш па наваму се слави како роденден на Црквата, педесеттиот ден по Пасхата. Ова е ден кога се исполни ветувањето на Христос – подобро е за вас Јас да си отидам, оти, ако не си отидам, Утешителот нема да дојде при вас; ако пак, заминам, ќе ви Го пратам (Јован 16, 7)...

Со силата на Светиот Дух се менува лицето на сето создание: зашто поранешната земја помина и морето го нема веќе (Откр. 21, 1). Сè е поинакво, ново, различно...

Црквата е нова. Црквата е премин од смрт во живот, нов начин на постоење, нов завет помеѓу Бог и човекот, знак на помирување и љубов... Дар кој останува на нас да го умножиме...

Уредникот

Содржината на овој број на списанието „Премин“ e:

1. Уводник

2. Слегувањето на Светиот Дух - Педесетница

3. Беседа за давањето на Божествениот Дух на денот на Педесетницата / Свети Григориј Палама

4. Репортажа: Манастирот на Светото Преображение во близина на Крушево

5. Беседа за блудниот син / Исцеление на фатениот / Митрополит Струмички Наум

6. Светоотечка ризница

7. За молитвата / Старец Харалампиј Дионисијатски

8. 90 години од смртта на Царското маченичко семејство Романови

9. Премин Галерија

10. Бог е Битие, смисла на сè / Горан Величковски

11. Јоан Хармосин-Охридски: Живот и дело / д-р Јане Коџабашија

12. Молитва / Јанко Илковски
13. Вести од православниот свет

14. Житија: Двенаесетте апостоли

Списанието „Премин“ во овој број подарува CD - презентација „Од Адам до Христос“

Посети:{moshits}