Скопје, 1- ви декември 2017 год.- храм на св.Петка, н.Црниче
На празникот на Светиот маченик Платон Светите маченици Роман и Варул протаставрофор Благоја Ацевски во сослужение на ѓаконот Мартин Ѓуревски отслужи Божествена Литургија. Верниот народ се причести со Светите Христови Тајни.По Литургијата отец Зоран Данев направи мал петочен водосвет.
Свети Јован Лествичник
Според природата, молитвата е сопостоење и единство на човекот со Бога. Според дејството, таа е одржување на вселената, помирување со Бога, мајка на солзите и нивна ќерка истовремено, смилостивување за гревовите, мост со којшто се преминуваат искушенијата, панцир кој штити од секоја мака, разбивање на демонските напади, служба на ангелите, храна на сите бестелесни, идно радување, бесконечен подвиг, извор на добродетели, причинител на благодатните дарови, невидливо напредување, храна за душата, просветлување на умот, секира за очајанието, потврда на надежта, ослободување од тагата, богатство на монахот, ризница на тихувателот, смалување на гневот, огледало на духовниот напредок, показател на духовната мера, откривач на духовната состојба, претскажувач на идните добра, предзнак на вечната слава. За оној којшто вистински се моли молитвата е суд Господов, судење пред престолот Негов пред Страшниот Суд.
Преминпортал (к.т.)
