Почитувани,

Епархискиот управен одбор на Македонската православна епархија за Европа на 31 мај 2008 година, во рамките на чествувањата што ги организира Македонската православна црква, потпомогнато од Министерството за култура при Владата на Република Македонија, а по повод празникот на Сесловенските учители и просветители, рамноапостолните отци, светите Кирил и Методиј, при одбележувањето на Денот на свети Методиј Солунски во градот Елванген, СР Германија упатува

П О К А Н А

До верниот народ, македонските православни црковни општини, дипломатско-конзуларните претставништва, друштва, клубови, медиуми,  како и до сите пријатели на Македонската православна црква и нашата Татковина, Република Македонија, за помасовно присуство во празнувањето на овој голем настан од животот на Македонската православна црква и историјата на македонскиот народ.

ПРЕТСЕДАТЕЛ НА
ЕПАРХИСКИОТ УПРАВЕН ОДБОР
МИТРОПОЛИТ ЕВРОПСКИ

Свеченоста ќе се организира според следнава:

ПРОГРАМА
Сабота 31 МАЈ
• 11.30 часот богослужба за свети Методиј Солунски во Базиликата на Marktplatz, Елванген, со која ќе чиноначалствува Неговото Високопреосвештенство Митрополитот Европски г. Пимен;
• 14 часот положување на венец пред плочата на свети Методиј

Пред присутните свечено обраќање ќе произнесат:
• Градоначалникот на Елванген, господин Карл Хилсенбек, дипломатски претставници на Република Македонија, Република Бугарија, Република Чешка и Република Словачка, претставници на германско – бугарските друштва, претставници на МПЦО „Свети Кирил и Методиј“  -  Штутгарт и „Свети великомаченик  Димитриј“ – Аален, СРГ.

Околу 15 часот градските власти на Елванген приредуваат прием за учесниците во одбележувањето на денот на Свети Методиј.

Веднаш по завршувањето на програмата предвидена од градот Елванген, околу 15.30 часот, ќе се одржи СЕМАКЕДОНСКИ СОБИР во месноста 73479 Ellwangen - Neuheim Wagnershof, каде ќе има богата културно – уметничка програма, со настап на Културно уметнички друштва од Македонија, презентација и дегустација на македонски специјалитети, македонски вина, изложба и презентација на длаборез, како и турнир во мал фудбал (5+1).

Заинтересираните екипи можат да се пријават кај господин Тони Неданов на тел: 00497361680281 и e-mail Оваа е-адреса е заштитена од спамботови. Треба да ви е овозможено JavaScript за да ја видите. најдоцна до 30 мај 2008 година.

ВЛЕЗОТ НА СОБИРОТ Е СЛОБОДЕН

Посети:{moshits}