Осветување на камен- темелник на нова црква посветена на св. Недела во с. Коњско, охридско
На 21. 07. 2007 кога Светата Црква го слави споменот на преподобен Теофил Мироточив и светиот великомаченик Прокопиј, свештеникот Игор Никовски, секретар на Дебарско-кичевската епархија во сослужение на парохиските свештеници, го осветија камен- темелникот за новата црква во Коњско посветена на св. Недела.
На осветувањето беа присутни поголем број на верници од селото и од Охрид, меѓу кои беше и градоначалникот на Охрид г. Александар Петрески со претставници од Општината, како и видни личности од Охрид.
Митрески Владо, претседател на месна заедница - село Коњско:
- Во Коњско имаме само една црква и таа е горе во селото, посветена е на св. Мина и воедно е и селска слава. Селото има уште еден празник посветен на св. Харалампие кого го слават околу 70% од населението и Ѓурѓовден кого го слават останатите 30%. Ова е црквено место, а бидејќи ние побаравме локација и ја откривме оваа како црквена. Бидејќи немаме летен празник, од Митрополијата побаравме да ни одобрат летен празник во населбава, а како на туристичко место Митрополијата се реши тоа да ни биде Св. Недела.
Доколку сакате да ја помогнете изградбата на овој храм можете да донирате парични средства на:
Жиро сметка 530 - 0003007460 - 57
Охридска банка ад Охрид
За црква Св. Недела с. Коњско
за подетални информации можете да се обратите и на :
Владо Митревски 075 542 523
