Во третата Недела од Великиот пост, кога   Светата Црква го слави и му се поклонува на Крстот Господен, во малата црква  посветена на  Светиот маченик Георгиј Кратовски во Детроит се отслусжи света Василиева Литургија.

На голема радост за многубројните верници кои дојдоа во храмот  да се помолат пред Светиот и Животворен Крст  Господов,  беше и можноста да се поклонат пред честица (мошта) од Вистинскиот Крст  на кој пострада Господ наш, Исус Христос!

Молитва кон Чесниот Крст
Нека воскресне Бог и нека се распрснат непријателите Негови, и нека бегат од Неговото лице оние кои го мразат. Нека исчезнат како што исчезнува димот, како што се топи восокот од огнот; така нека загинат ѓаволите пред лицето на оние кои го љубат Бога и се осенуваат со крсниот знак, и кои радосно говорат:
Радуј се Пречесен и Животоворен Крсту Госпосдов, Кој ги прогонуваш ѓаволите со силата на распнатиот на Тебе Господ наш Исус Христос, Кој слегол во пеколот  и  ја сотрел ѓаволската сила, и Кој  Тебе, Крстот свој чесен, нам ни Те дарувал Тебе, а за прогонување на секаков противник. О, Пречесен И Животворен Крсту Господов, помагај ми секогаш со твојата света Владетелка Богородица, и со сите светии во вековите на вековите. Амин!

Известува : Марјан Радевски

Посети:{moshits}