ВЕЧЕРНИ МОЛИТВИ
Во името на Отецот и Синот и светиот Дух. Амин.
Слава Ти Боже, надеж наша, слава Ти.
Цару небесен, утешителу, Духу на вистината, Кој си насекаде и сè исполнуваш, ризницо на добрата и на живот подателу, дојди и всели се во нас, и очисти нè од сета нечистотија и спаси ги, Благи, нашите души.
Свети Боже, Свети Силни, Свети Бесмртни, помилуј нè. (3 пати)
Слава на Отецот и Синот и Светиот Дух, и сега и секогаш и во сите векови. Амин.
Пресвета Троице, помилуј нè. Господи, очисти ги нашите гревови. Владико, прости ни ги нашите беззаконија. Свети, посети нè и исцели ги нашите слабости, заради Твоето име.
Господи помилуј (3 пати)
Слава на Отецот и Синот и Светиот Дух, и сега и секогаш и во сите векови. Амин.
Оче наш, Кој си на небесата, да се свети името Твое, да дојде царството Твое. Да биде волјата Твоја, како на небото, така и на зземјата. Лебот наш насушен дај ни го денес, и прости ни ги нашите долгови, како што и ние им простуваме на нашите должници. И не воведувај нè во искушение, туку избави нè од лукавиот.
Зашто Твое е Царството и силата и славата, на Отецот и Синот и Светиот Дух, сега и секогаш и во сите векови. Амин.
Господи помилуј (12 пати)
Дојдете да Му се поклониме и да припаднеме пред Царот нашиот Бог.
Дојдете да Му се поклониме и да припаднеме пред Христос Царот наш Бог.
Дојдете да Му се поклониме и да припаднеме пред Самиот Христос, Цар и наш Бог.
-
http://www.youtube.com/watch?v=Aw_n8kOhQ88
Псалм 50
Помилуј ме, Боже, поради Твојата голема милост, и поради мноштвото на Твоето милосрдие, очисти ме од моето беззаконие. Најнапред измиј ме од моето беззаконие и од мојот гревот очисти ме. Зашто јас го знам моето беззаконие и мојот грев е секогаш пред мене. Тебе единствено Ти згрешив и зло пред Тебе сторив, за да се оправдаш во зборовите Свои и да победиш кога ќе судиш. Ете, во беззаконие сум зачнат и во грев ме роди мојата мајка. Ете, вистината си ја возљубил, и надумната и тајна премудрост Твоја си ми ја јавил. Пороси ме со исоп и ќе се очистам, измиј ме и побел од снег ќе бидам. Дај ми да слушам радост и веселба, да се зарадуваат коските скрушени. Одврати го лицето Твое од моите гревови, и сите мои беззаконија избриши ги. Срце чисто соѕидај во мене, Боже, и дух вистински обнови во мојата утробата. Не отфрлај ме од лицето Твое и Твојот Свет Дух не одземај го од мене. Дај ми ја радоста на спасението Твое и со Дух Владичествен утврди ме. Ќе ги научам беззакониците на Твоите патишта, и нечистивите кон Тебе ќе се обратат. Избави ме од крв, Боже, Боже на моето спасение, ќе се зарадува мојот јазик мој на Твојата правда. Господи, отвори ги моите усни и устата моја ќе ја објавува пофалбата Твоја. Зашто да сакаше жртва, ќе Ти ја принесев, но сепаленици не благоволиш. Жртва за Бога е духот скрушен, срцето скрушено и смирено Бог не ќе го презре. По благоволението Свое, Господи, направи му добро на Сион и нека се возвишат ѕидните ерусалимски. Тогаш ќе Ти бидат угодни жртвите на правдата, приносите и сепалениците, тогаш на олтарот Твој ќе се полагаат телци.
- Извор:П РАВОСЛАВЕН МОЛИТВЕНИК (Полошко- кумановска епархија)
- Преминпортал
- 04 јануари лето Господово 2013
Друго:
