Наш избор од архивата на Преминпортал -Април/Мај 2006 год.
Бескрајна е радоста во срцето на верникот кога во животот ќе му биде понудена можноста да дарува за изградбата или за фрескописот на нова црква. Таа радост ја расплатува во неговото срце благодатта на Светиот Дух, без која никој нема да почувствува силна желба да дарува за црквата. Нему му станува јасно дека кога дарува во слава на Бога и од љубов и благодарност кон Светителите, всушност, тој е оној што е бескрајно даруван.
Даровите се знаци на нашата љубов за Бога и за Светителите. Во тој миг, кога ќе се отвори нашето срце и ние ќе посакаме да даруваме за фрескописот во црквите, небото се приближува до нас.
Кога срцето ни се отвора со желбата да даруваме, небото се вселува во него и ние со зачудувачка радост се прашуваме, нема ли да ни се распукне срцето од таа небеска радост.
Со векови нашиот народ дарувал за изградбата и живописувањето на православните храмови. За тоа сведочат чудесните цркви во Македонија. Да му благодариме на Бога што Тој и нам денес ни дава можност да учествуваме во таа радост на дарителите на Црквата.
Повеќе
Друго:
ФРЕСКОПИС НА МАНАСТИРОТ СВ. НИКОЛА - с.Љубанци (скопско)
Втор ден Велигден - манастир на св. Никола, с.Љубанци (16.04.2012)
