ЗА НАШИТЕ ВРЕМИЊА- Архимандрит Кирил (Павлов)

ЗА НАШИТЕ ВРЕМИЊА. Архимандрит Кирил (Павлов) - руски Старец
Архимандрит Кирил се смета за еден од најпознатите руски Старци во крајот на XX - почетокот на XXI век. Современиците му ја даваат следната карактеристика:

Како во дамнешно време што е Преподобен Сергеј Радоњешки, така во наше време отец Кирил е чувар на чистотата на Православието и традицијата на руското монаштво. Кај него во Сергиевиот манастир, се собираат верници од цела Русија. Овде во малата соба пред ќелијата на отецот или во тесниот ходник на крилото на резиденцијата на Патријархот во Переделкино, со трепет и надеж со часови чекаат луѓето со радост за можноста да го видат доброто, светло, мило лице на Старецот и да добијат негов благослов.Сите да ги прими отецот не може: впрочем денот не го прошируваш, но додека силно не изнемошти, примал понекогаш и по 50 луѓе и приемот траел до полноќ, со само не голема пауза за краток ручек и дневна молитва. Луѓето доаѓаат кај отецот со своите таги, барања, проблеми и сите добиват утеха, помош, совет, насока и заминувајќи, притиснуваат кон срцето хартиено иконче, книшка или бонбонче- скапоцен Отчев благослов.

...Да се надеваме дека во иднина нема да нé остави Господ без Својата помош. Времето сега е тешко и опасно. Треба да бидеме внимателни и трезни. Непријателот префинето, итро настапува, се приближува... Се чувствува приближувањето и здивот на антихристот, ништо нема да биде сокриено, да. Тука во никој случај не треба да се паничи. Сега всушност доаѓаат сигнали, кои нé наведуваат на тоа да бидеме поблиску до Бога.Поблиску до Бога и поблиску еден до друг. Обидете се својата негрижливост веќе да ја оставите, посериозно да се однесувате и кон своето прашање за спасението и за своето исправување и испитување. А за тоа, се разбира, да владее победата, облечете се во сето оружје Божјо, за да се надминат сите тие интриги, да се издржат, затоа сега како никогаш предходно, нам ни треба да се облечеме во оклопот на верата и христијанската љубов. Потребно е да се знае, како што вели Апостолот, дека Господ нас нé одреди не за гнев, туку за здобивање на спасение преку Исус Христос, Кој умре за нас,- како што Апостолот им пишува на Солунјаните. Тој вели дека за времето и рокот не ви е потребно да знаете, браќа, вие самите искрено знаете дека доаѓањето Христово ќе биде како крадец во ноќта. Затоа кога ќе говорат ‘‘мир и безопасност’’, тогаш ненадејно ќе ги стигне погибел.Но, вие браќа не сте темнина за да тој ден ве фати како крадец, вие сте синови на денот и светлината, а не синови на темнината. Затоа да не спиеме, како што спијат другите, но да се отрезнуваме и разбудуваме, затоа што заспаните спијат ноќе и пијаните се опиваат ноќе. Ние бидејќи сме синови на денот, да се трезниме, облекувајќи се во оклопот на верата и љубовта, чекајќи го надежното спасение. Затоа потребно е да се отрезнуваме.
А најважно – треба да се чува љубовта. Не треба никакво непријателство, никаков раздор. Таа помисла ја дал непријателот. Треба да се чува љубовта. Не треба да му се дава на непријателот да создаде никаков раздор. Се сеќавате, како за време на револуцијата кај нас во Црквата се појавија иноватори. Од редовите на Црквата заминаа епископи- иноватори... А тоа им е во полза... Непријателот се плаши од мирот. Непријателство е неговото најдокажано средство. Затоа ви посакувам, братството да ви биде едногласно. Трпете се меѓусебно, простувајте си еден со друг. Токму како што кажал Апостол Павле: Возљубени и избраници Божји, облечете се во милосрдие, добрина, смиреност, кротост, долготрпеливост, трпете се еден со друг и простувајте си ги взаемните навреди, оптужувањата. Особено облекувајте се во љубов, која е врска на совршенството. Божјиот Мир да владее, господарува во сите срца. Ние сме повикани во едно тело и бидете благодарни. Се разбира, сите тие застрашувачки сигнали.... Јас, се разбира, знам, како се расудува. Мое лично убедување е што тоа недобро дело го осмислуваат, не сакам никого да осудам, но... на христијаните им предстои, им се приближува испитување... Јас вака мислам, прв чекор- броевите, потоа ќе се случи електронската картичка. Сега тоа е поедноставно, потоа ќе биде потешко да се излезе, а потоа после овие картички веќе ќе има ознака. Кога ќе дојде до откажување од ознаката, таму јасно е дека веќе ќе има смрт, да. Или Хрисос да се смени, поклонувајќи му се на антихристот, или обратно- да дојде смртта за Христос. Вака јас разбирам. Потоа, во однос на овие бројки, тоа е безбожно дело. Пред сé, имињата на човекот ги дава самиот Бог. Господ Самиот ги доделил имињата Адам и Ева. И така според оваа заповед се почитуваат, се чуваат, дадените имиња. Христијаните исто така, име доделуваат, даваат име, да. И при крштевање им се доделува ангел- чувар, да. И Црквата свето име доделува.

А тука... ние се одрекуваме од своите имиња, и се присвојува некаков број. Ако така требало да биде, Господ не би дал име Адам, туку таму некаков 255 би му кажал на Адам...Но, името се доделува. А овде од демонот е, односно, започнуваат нов поредок да воведуваат, нов век. Гледате, имињата да се исклучат и под број сите да бидат. Сега толку фино се обработува свеста, навистина, толку постепено, постепено се пореметува умот... Ѓаволот се бори со Бог. Богоборци...богоборци... Тие новиот век веќе го нарекуваат “нов век’’ (нова ера). Нова етапа, нов живот, нови зкони... Овој век ќе биде век на тоталитаризам. Не плашете се, мало стадо, Бог е со нас!Мислам, дека во братската едносогласност и со вера, да, со вистинска вера во Христос Господ Бог и со заемна љубов, ако и дојдат да се исполнат било какви испитувања, тогаш во тој случај тие и лесно ќе бидат издржани. Од срце уште еднаш ви благодарам и пожелувам, таква љубов да има меѓу нас.